Испанияда Қазақстан халықтарының тілдері күні атап өтілді

Мадрид, 2023 ж. 8 қыркүйек – Қазақстанның Испаниядағы Елшілігінде қазақ диаспорасы өкілдері мен отандастарымыздың қатысуымен Қазақстан халықтарының тілдері күніне арналған дөңгелек үстел өтті.

Қазақстанның Испаниядағы Елшісі Данат Мұсаев өзінің құттықтау сөзінде көрнекті қоғам қайраткері, ақын және қазақ лингвистикасының негізін қалаушы Ахмет Байтұрсыновтың туған күніне орайластырылған мерекелік күннің пайда болу тарихын егжей-тегжейлі айтып берді.

Іс-шара барысында Қазақстан халықтарының бірлігін, сондай-ақ ана тілі мен мәдениетіне деген сүйіспеншілік пен құрметке тәрбиелеудің маңыздылығын көрсететін мерекенің бірегейлігі атап өтілді.

Қатысушылар халық әндерін орындап, қазақ ақындарының өлеңдерін мемлекеттік, орыс және испан тілдерінде оқыды. Жеке қойылыммен қазақстандық әнші, Испаниядағы «Дауыс балалар» бағдарламасының финалисті Жанель Әли қолдау көрсетті.