Ақпараттық хат
Құрметті Қазақстан Республикасының азаматтары!
Испаниядағы пандемияның таралу қарқыны күшеюде. 25 наурызда таңертеңгі уақытта ауруды жұқтырған адамдардың саны 47,610-ға жетті (Мадридте 14.597).
Біздің мәліметтеріміз бойынша, бүгінде Испаниядан Қазақстанға 120-дан астам қазақстандық оралды, олардың көпшілігі Қазақстан Республикасының Елшілігі мен Барселонадағы Консулдығының көмегімен.
Елшілік қызметкерлерінің ондаған қазақстандықтармен жеке телефон арқылы сөйлесу нәтижесінде, олардың арасында билеттері бар және кетуге дайындалып жатқан адамдар анықталды: оралуға ниет білдіргендер «егер арнайы ұшақ болса»; кеткісі келмейтін, бірақ «бәрі кетсе» кетуге дайын адамдар; оралғысы келмейтіндер (соның ішінде ресми түрде бас тартуды жібергендер) және т.б. Кейбіреулер жоспарларын өзгертті. Біз байланысқа шыққан барлық адамдардың ұстанымдарын жинақтап, Қазақстан Республикасына жібердік.
Кеше бізге Испанияның әртүрлі аймақтарында орналасқан 104 Қазақстан Республикасының азаматтары чартерлік рейспен Қазақстанға оралғысы келетіні туралы хабарлады. Бүгін бұл сан төмендеді, өйткені Қазақстанның 17 азаматы тұрақты рейстерге билеттер сатып алды, ал 27 адам жоспарын өзгертті және ұшудан бас тартты.
Қазақстан азаматтары чартерлік рейстермен бірқатар елдерден эвакуацияланғанын білесіздер. Сонымен бірге, олардың билеттерінің құны әуе компаниясының қашықтыққа, қону, әуе кемесінің түріне және т.б. байланысты шығындарға, сондай-ақ белгілі рейстегі жолаушылар санына байланысты болды. Біз чартерлік рейсті ұйымдастыру мүмкіндігін қарастырып жатырмыз. Егер оң шешім қабылданса, ол белгілі бір қаладан (мүмкін, Мадридтен) ұшатын болады, онда адамдар Испанияның басқа қалаларынан жететін болады. Бұл тегін рейс емес, билеттердің бағасын авиатасымалдаушы өз шығындарына және жолаушылар санына байланысты анықтайтынын атап өткіміз келеді. Сондықтан билеттің бағасын алдын-ала айту мүмкін емес.
Күн сайын біз Сізге қол жетімді варианттар туралы хабарлаймыз (оның ішінде Испаниядағы Қазақстан Республикасының азаматтарымен жедел байланыс үшін арнайы жасалған чат арқылы), бірақ рейстердің саны үнемі азайып жатыр.
Бүгін біз Belavia компаниясының Барселонадан, атап айтқанда, 28 наурызда Минскіге ұшуына ерекше назар аудардық. Елшілік Беларусь тарапымен тікелей байланыста. Минскіден сол күні Нұр-Сұлтан мен Алматыға ұшатын рейстер мен жеткілікті орын саны бар (қазіргі уақытта әрқайсысында 60-тан астам) бар екенін білеміз. Егер 28 наурызда рейске үлкен сұраныс болса, билетітерді сатып алған жолаушыларды отырғызу үшін Belavia ұшақтың түрін ауыстыратын болады деген келісімге жеттік.
Қазіргі уақытта Барселона - Минск - Нұр Сұлтан бағыты бойынша эконом-класс билеттің бағасы 256,92 еуроны құрайды. Флекс (икемді) билеттің құны - 368,92 евро. Бұл ықтимал чартерлік рейске билеттің болжамды бағасынан (ең аз дегенде екі есе) төмен деңгейде деп санаймыз.
Сондықтан біз баршаңызға осы мүмкіндікті пайдаланып, ұшуды кейінге қалдырмауға кеңес береміз, алдағы жағдайды болжау қиын. Билеттерді әуекомпанияның https://belavia.by/ ресми сайтында сатып алу қажет. Мұны бүгін жасаған дұрыс, өйткені кешке 28 наурызда Барселонадан Belavia рейсімен тасымалдайтын ұшақтың түрі туралы шешім қабылданады.
Билетті сатып алғандардан Мадрид пен Барселонадағы консулдық кеңселерімізге бұл туралы хабарлауды сұраймыз.
Сонымен бірге, Қазақстанға қайтып оралғысы келетіндерден және Елшілікке төлқұжат мәліметтері туралы ақпаратты (ЖСН қоса алғанда) жібермегендерден, сондай-ақ олардың Қазақстанда тұратын жері туралы хабарламағандардан – аталған мәліметтерді шұғыл хабарлауды сұраймыз.
Естеріңізге сала кетейік, Испания мен Андорра қаласында орналасқан Қазақстан Республикасының азаматтары үшін Мадрид пен Барселонадағы консулдық қызметкерлердің телефондары мен арнайы байланыс чатынан басқа тәулік бойы жұмыс жасайтын сенім телефоны: +34 917 216 290.
Құрметпен,
Қазақстан Республикасының Испаниядағы Елшілігі