1998 жылы Мәдениет, білім және ғылым саласындағы ынтымақтастық туралы келісімге қол қойылып, құжат жоғары оқу орындары, ҚР және ИК ғылыми және мәдени орталықтары арасындағы тікелей байланыстар мен алмасуларды жандандырудың құқықтық негізіне айналды.
Жоғары оқу орындары арасындағы ынтымақтастықты нығайтудың кезекті қадамы 2024 ж. сәуірде 11 испандық университет басшылығы мен Испандық білім беруді интернационалдандыру қызметінің (SEPIE) Қазақстанға сапары болды.
Сапар аясында жоғары және жоғары оқу орнынан кейінгі білім, сондай-ақ ғылым мен мәдениет саласындағы ынтымақтастық бойынша 3 келісімге қол қойылды.
2016 ж. бастап «Қазақфильм» киностудиясының қолдауымен қазақстандық кинофильмдер Барселонадағы жыл сайынғы Азия кинофестивалінде тұрақты түрде ұсынылып келеді. Испаниядағы ең ірі мәдени орталықтардың бірі «Círculo de Bellas Artes de Madrid» (Мадридтің бейнелеу өнері орталығында) қазақстандық киноны көрсетілімі ұйымдастырылады.
2023 ж. 26 мамырда Қазақ поэзиясы, прозасы, сондай-ақ Абайдың қара сөздері Испаниядағы әдебиет сүйер қауым үшін ең ірі шара болып табылатын Мадрид кітап жәрмеңкесінде ұсынылды.
Қазақ әдебиетін насихаттауды кеңейту мақсатында Испания ұлттық кітапханасының қорына Абайдың испан тіліне аударылған еңбектері берілді.
2024 ж. 21 маусымда Еуропалық музыка күні аясында «Pilar García Peña» ашық аспан астындағы аудиторияда атақты қазақ скрипкашысы, ҚР Халық әртісі, «Бейбітшілік үшін ЮНЕСКО әртісі» құрметті атағының иегері А.Мұсаходжаева мен испан дирижері М.Тевардың классикалық музыка концерті өтті.
2025 ж. 28 наурызда Қазақстанның Испаниядағы Елшілігі Леганес мэриясының қолдауымен Ригоберта Менчу атындағы театрда Қызылорда облысының әкімдігі ұйымдастырған Наурыз мерекесін атап өтті. «Nauryz – celebration of Spring» концерті Қазақстан мен Испания арасындағы достық қарым-қатынасты нығайтқан маңызды мәдени оқиға болды.