Қазақстан Республикасының Испания Корольдігіндегі Елшілігі Қазақстан Республикасы Ішкі істер министрлігі Халықаралық көші-қон ұйымының (ХКҰ) қолдауымен адам саудасына қарсы іс-қимылға тартылған субъектілерге арналған стандартты операциялық рәсімдерді әзірлегені туралы хабарлайды.
Аталған құжат ведомствоаралық өзара іс-қимылды нығайтуға, құқық бұзушылықтардың алдын алуға, сондай-ақ адам саудасы құрбандарын анықтау мен оларға көмек көрсету тиімділігін арттыруға бағытталған. Бұл жұмыс Қазақстан Республикасының қолданыстағы заңнамасы мен 2024–2026 жылдарға арналған Үкіметтің іс-шаралар жоспарын іске асыру аясында жүзеге асырылуда.