Қазақстан мен Португалия арасындағы екіжақты тауар айналымы 2026 жылғы қаңтар-мамыр айларында 16,1 млн. АҚШ долларын, ал 2025 жылы - 44,2 млн. АҚШ долларын құрады. 2026 жылғы 5 ай ішінде Қазақстанның Португалияға экспорты 3,6 млн. долларға жетсе, Португалиядан Қазақстанға импорт 12,5 млн. долларды құрап отыр.
Қазақстандық экспорттың негізгі баптары: былғары, пропилен полимерлері, желімделген фанера, былғары, есептеу машиналары, бақылау-өлшеу құралдары, профильдік проекторлар, өлшеу және бақылау аппаратурасы, дәнекерлеу және пісіру жабдықтары, баспа жабдықтары, тұрмыстық және өзге де электр жылыту құрылғылары, электр плиталар және басқа да тауарлар.
Қазақстанға Португалиядан импортталатын негізгі тауарлар: дәрі-дәрмектер, арматура, пластиналар, брустар, металлкерамикалық ұштықтар, тұрмыстық техника, аяқ киім, электр жабдықтары, қозғалтқыштар, генераторлар және басқа өнімдер.
2005 жылдан 2026 жылдың I тоқсанына дейін Португалиядан Қазақстанға келген тікелей шетелдік инвестициялардың жалпы көлемі 254 млн. АҚШ долларын құрады.
Қазақстанда португалиялық капиталдың қатысуымен шамамен 20 заңды тұлға, филиал және өкілдік тіркелген.
Португалия компанияларының ақпараттық-коммуникациялық технологиялар, ауыл шаруашылығы, фармацевтика, жеңіл және химия өнеркәсібі, пластикалық құбырлар, кабельдер, керамика өндірісіне арналған электр және арнайы жабдықтар салаларында көпсалалы бизнес-миссиялары Қазақстанға тұрақты түрде ұйымдастырып тұрады.