Әл-Кувейт, 2026 жылғы 13 қазан – Қазақстан Республикасының Кувейт Мемлекетіндегі Елшісі Ержан Елекеев «Jazeera Airways» әуе компаниясының бас атқарушы директоры Баратан Пасупатимен кездесті.
Келіссөздер барысында тараптар Қазақстан мен Кувейт арасындағы тікелей әуе қатынасын қайта қалпына келтіру перспективаларын, сондай-ақ азаматтық авиация, туризм және сауда салаларындағы ынтымақтастықты одан әрі дамыту мүмкіндіктерін талқылады.
Елші тікелей әуе рейстерін қайта қалпына келтіру екіжақты қатынастарды нығайту, өзара туристік ағындарды ұлғайту, іскерлік байланыстарды жандандыру және қазақстандық өнімдердің Кувейт нарығына жеткізілімін кеңейту үшін маңызды екенін атап өтті.
Өз кезегінде, «Jazeera Airways» басшылығы Қазақстан бағытына деген қызығушылығының сақталып отырғанын растады және өңірдегі жағдай тұрақтанып, ұшуларды жүзеге асыру үшін қолайлы жағдайлар қалыптасқан кезде екі ел арасындағы тікелей рейстерді қайта қалпына келтіруге ниетті екенін білдірді.
Тараптар Қазақстанның Кувейт азаматтары үшін туристік бағыт ретіндегі елеулі әлеуетін атап өтіп, еліміздің табиғи көрікті жерлері мен сан алуан демалыс мүмкіндіктерінің тартымдылығына назар аударды.
Кездесу қорытындысы бойынша тараптар жұмыс байланыстарын сақтауға және тікелей әуе қатынасын қайта қалпына келтіру мәселелері бойынша өзара іс-қимылды жалғастыруға мүдделі екендерін білдірді.
«Jazeera Airways» – Таяу Шығыс, Азия, Еуропа және Африка елдеріндегі 50-ден астам бағыт бойынша жолаушылар тасымалын жүзеге асыратын кувейттік жеке әуе компаниясы. 2021 жылы әуе компаниясы Эль-Кувейт пен Алматы арасында тікелей рейстер ашты, алайда кейіннен өңірдегі жағдайға байланысты олардың орындалуы тоқтатылды.
Әл-Кувейт, 2026 жылғы 5 қазан – Қазақстан Республикасының Кувейт Мемлекетіндегі Елшісі Ержан Елекеев Kuwait Petroleum International (KPI) Президенті Шафи Әл-Аджмимен кездесу өткізді.
Кездесу барысында тараптар мұнай-газ және мұнай-химия салаларындағы екіжақты ынтымақтастықты дамыту перспективаларын, сондай-ақ практикалық өзара іс-қимылдың ықтимал бағыттарын талқылады.
Авиациялық отын саласындағы ынтымақтастыққа, оның ішінде қазақстандық авиакомпаниялармен және әуежайлармен өзара іс-қимыл мүмкіндіктеріне, сондай-ақ тұрақты авиациялық отын (SAF) бағытын дамыту перспективаларына ерекше назар аударылды.
Тараптар сондай-ақ мұнай өнімдерін бөлшек саудада өткізу саласындағы ынтымақтастық мүмкіндіктерін, оның ішінде KPI-дің Q8 бренді аясындағы халықаралық тәжірибесін ескере отырып, Қазақстанда заманауи жанармай құю станциялары мен тиісті инфрақұрылымды дамыту мәселелерін қарастырды.
Кездесу қорытындысы бойынша тараптар қазақстандық бейінді ұйымдар мен компаниялардың қатысуымен өзара қызығушылық тудыратын нақты бағыттар мен жобаларды бірлесіп пысықтауды жалғастыруға уағдаласты.
Кездесу Қазақстан мен Кувейттің мұнай-газ және мұнай-химия секторларындағы жетекші компаниялар арасындағы практикалық өзара іс-қимылды кеңейтуге, сондай-ақ Қазақстан экономикасының перспективалы салаларына халықаралық тәжірибе мен жаңа технологияларды тартуға бағытталған Елшіліктің жүйелі жұмысының жалғасы болды.
Kuwait Petroleum International (KPI) 1983 жылы құрылды және мемлекеттік Kuwait Petroleum Corporation (KPC) компаниясының халықаралық downstream-бөлімшесі болып табылады. Компания Q8 брендімен жұмыс істейді және мұнай өңдеу, мұнай-химия, авиациялық отын және мұнай өнімдерін бөлшек саудада өткізу салаларында қызмет атқарады. KPI-дің бірлескен кәсіпорындарды қоса есептегендегі халықаралық бөлшек сауда желісі 4,5 мыңнан астам жанармай құю станциясын қамтиды және, атап айтқанда, Италияда, Испанияда, Португалияда, Бельгияда, Нидерландыда, Люксембургте, Швецияда және Вьетнамда ұсынылған. Компания сондай-ақ Италия, Вьетнам және Омандағы ірі мұнай өңдеу және мұнай-химия жобаларына қатысады.
Әл-Кувейт, 2026 жылғы 23 қыркүйек – Қазақстан Республикасының Кувейт Мемлекетіндегі Елшісі Ержан Елекеев Al Mawashi (Livestock Transport and Trading Company) компаниясының Бас директоры Ахмад Әл-Атикимен кездесу өткізді.
Кездесу барысында тараптар азық-түлік қауіпсіздігі саласындағы ынтымақтастықты дамыту перспективаларын талқылап, Қазақстаннан Кувейт нарығына ет және ет өнімдерін жеткізуді ұйымдастыру мүмкіндіктеріне ерекше назар аударды.
Кувейт тарапы Қазақстаннан ет өнімдерін жеткізуді жолға қоюға жоғары қызығушылық білдіріп, ынтымақтастықтың осы бағытының перспективалы екенін атап өтті. Әлеуетті жеткізілімдердің шарттары, өнімнің сапасы мен сертификатталуына қойылатын талаптар, ықтимал көлемдер және логистика мәселелері жан-жақты талқыланды.
Кездесу қорытындысы бойынша тараптар осы бағыттағы практикалық жұмысты жандандыруға, қазақстандық өндірушілермен тікелей байланыс орнатуға және ықтимал жеткізілімдердің нақты параметрлерін тығыз өзара іс-қимыл аясында пысықтауға уағдаласты.
Al Mawashi компаниясы 1973 жылы Кувейтте құрылған және Кувейтте, БАӘ-де, Австралияда және Оңтүстік Африкада өз активтеріне ие. Компания ірі мал шаруашылығы кешендерін басқарады, оның ішінде Кувейттегі кешеннің сыйымдылығы 200 мың басқа дейін жетеді. Компанияның малды теңіз арқылы тасымалдау жөніндегі жиынтық жылдық қуаты шамамен 2 млн басты құрайды. Сонымен қатар, компания мал сою және ет өнімдерін өңдеу бойынша заманауи инфрақұрылымға ие.
Әл-Кувейт, 21 қыркүйек 2026 жыл – Қазақстан Республикасының Кувейт Мемлекетіндегі Елшісі Ержан Елекеев National Industries Group Holding (NIG) компаниясының инвестициялар және ірі жобалар жөніндегі бас атқарушы директорының орынбасары Рияд Әл-Эдрисимен кездесу өткізді.
Кездесу барысында тараптар Қазақстан-Кувейт сауда-экономикалық және инвестициялық ынтымақтастығын одан әрі дамыту перспективаларын, сондай-ақ кувейттік бизнестің Қазақстандағы перспективалы жобаларды іске асыруға қатысу мүмкіндіктерін талқылады.
Жылжымайтын мүлік және инфрақұрылым салаларындағы инвестициялық мүмкіндіктерге ерекше назар аударылды. Елші сұхбаттасушыны Қазақстанда іске асырылып жатқан ірі жобалармен және шетелдік инвесторларды тарту үшін қолайлы жағдайлар жасау бойынша қабылданып жатқан шаралармен таныстырды.
Alatau City жобасы және оның жылжымайтын мүлік, коммерциялық және қалалық инфрақұрылым салаларындағы инвестициялық жобаларды іске асыру әлеуеті жеке таныстырылды. Тараптар NIG және топ құрамындағы компаниялардың жаңа қала аумағындағы перспективалы жобаларға қатысуының ықтимал форматтарын талқылады.
Кездесу қорытындысы бойынша тараптар диалогты жалғастыруға және Қазақстандағы нақты инвестициялық мүмкіндіктерді одан әрі зерделеуге қызығушылық білдірді.
National Industries Group Holding (NIG) – 1961 жылы құрылған Кувейттің ірі әртараптандырылған инвестициялық-өнеркәсіптік холдингі. Топ тікелей инвестициялар, өнеркәсіп, энергетика, инфрақұрылым, жылжымайтын мүлік және қаржы салаларында жұмыс істейді және Сауд Арабиясы, БАӘ, Сингапур, Ұлыбритания және Латын Америкасы елдерін қоса алғанда, бірқатар шетелдік нарықтарда инвестициялары бар. Холдинг сондай-ақ ірі халықаралық инфрақұрылымдық жобаларға қатысу тәжірибесіне ие, соның ішінде Иорданиядағы Queen Alia халықаралық әуежайының операторына инвестиция салған.
Әл-Кувейт, 2026 жылғы 20 қыркүйек – Қазақстан Республикасының Кувейт Мемлекетіндегі Елшісі Ержан Елекеев Кувейт Азаматтық авиация бас басқармасының президенті шейх Хамуд Мубарак Ас-Сабахпен кездесу өткізді.
Кездесу барысында тараптар азаматтық авиация саласындағы қазақ-кувейт ынтымақтастығын одан әрі дамыту және екі ел арасындағы тікелей әуе қатынасын кеңейту перспективаларын талқылады.
Қазақстан мен Кувейт арасындағы тікелей жолаушылар рейстерінің жиілігін арттыру мүмкіндіктеріне ерекше назар аударылды. Бұл екі мемлекет арасындағы іскерлік және туристік байланыстарды одан әрі дамытуға ықпал ететіні атап өтілді.
Сондай-ақ тараптар қазақстандық өнімдерді Кувейт нарығына тасымалдау мүмкіндіктерін кеңейтуді және Қазақстан мен Кувейт арасындағы көлік-логистикалық байланыстарды нығайтуды қоса алғанда, әуе жүк тасымалдарын дамыту перспективаларын қарастырды.
Қазақстан Республикасы мен Кувейт Мемлекеті арасындағы Әуе қатынасы туралы үкіметаралық келісімді жасасу мәселесі жеке қаралды. Аталған келісімнің жобасы бұған дейін қазақстандық тараппен Кувейт тарапының қарауына ұсынылған болатын. Осыған байланысты құжатты кейіннен қол қою мақсатында одан әрі пысықтаудың маңыздылығы атап өтілді.
Өз кезегінде шейх Хамуд Ас-Сабах Кувейт тарапының Қазақстанмен азаматтық авиация саласындағы ынтымақтастықты дамытуға мүдделілігін білдіріп, екіжақты өзара іс-қимылды тереңдету, әуе қатынасын кеңейту және бірлескен бастамаларды іске асыру үшін қажетті күш-жігер жұмсауға дайын екенін растады.
Кездесу қорытындысы бойынша тараптар азаматтық авиация саласындағы ынтымақтастықты нығайтуға және Қазақстан мен Кувейт арасындағы тікелей әуе қатынасын одан әрі дамытуға өзара мүдделілігін растады.
Әл-Кувейт, 2026 жылғы 15 қыркүйек – Қазақстан Республикасының Кувейт Мемлекетіндегі Елшісі Ержан Елекеев Kuwait Foreign Petroleum Exploration Company (KUFPEC) компаниясының Бас атқарушы директоры Иса Әл-Марагимен кездесу өткізді.
Кездесу барысында тараптар Қазақстан мен Кувейт арасындағы мұнай-газ саласындағы ынтымақтастықты кеңейту перспективаларын талқылап, Кувейт тарапының Қазақстандағы перспективалы жобаларды іске асыруға қатысу мүмкіндіктеріне ерекше назар аударды.
Қазақстан Елшісі сұхбаттасын еліміздің мұнай-газ саласының әлеуеті, қолда бар инвестициялық мүмкіндіктер, сондай-ақ көмірсутектерді барлау және өндіру саласына халықаралық инвестициялар, озық технологиялар мен тәжірибе тартуға Қазақстан тарапының мүдделілігі туралы хабардар етті.
KUFPEC басшылығы Қазақстанның мұнай-газ секторындағы инвестициялық мүмкіндіктерді зерделеуге және нақты жобаларға қатысу перспективаларын қарастыруға мүдделілік білдірді.
Тараптар инвестициялық мүмкіндіктерді, техникалық параметрлерді және мұнай-газ жобаларын іске асырудың ықтимал тетіктерін егжей-тегжейлі талқылау мақсатында Қазақстан мен KUFPEC-тің бейінді техникалық командалары арасында онлайн-кездесу өткізуге уағдаласты. Осы жұмыстың нәтижелері бойынша және өзара қызығушылық тудыратын нақты жобалар айқындалған жағдайда, тараптар практикалық өзара іс-қимылды одан әрі ілгерілету мақсатында екіжақты офлайн кездесулер өткізу және делегациялар алмасу мүмкіндігін қарастырады.
Кездесу қорытындысы бойынша тараптар тікелей жұмыс диалогын қолдауға және мұнай-газ саласындағы ынтымақтастықтың нақты мүмкіндіктерін қарастыруға кезең-кезеңімен көшуге мүдделілігін растады.
Kuwait Foreign Petroleum Exploration Company (KUFPEC) – Кувейттің мемлекеттік Kuwait Petroleum Corporation (KPC) корпорациясына толықтай тиесілі және Кувейттен тыс жерлерде мұнай мен газды барлау және өндіруге маманданған халықаралық мұнай-газ компаниясы. Компания бес құрлықтағы 8 елде қызметін жүзеге асырады. 2024 жылы KUFPEC-тің өндіріс көлемі тәулігіне шамамен 76 мың баррель мұнай эквивалентін құрады. 2026 жылы компания Бразилиядағы Orca және Sul de Orca жобаларындағы 20% үлесті сатып алу туралы келісімге келді. Orca ресурстары шамамен 370 млн баррельге бағаланады, ал жобалық өндірістік қуаты тәулігіне 120 мың баррельге дейін мұнай өндіруді көздейді.
Сауда-саттықты ұйымдастырушы — Кувейт Мемлекетіндегі Қазақстан Республикасының Елшілігі (тіркеу нөмірі: 3553), заңды мекенжайы: Кувейт Мемлекеті, Сурра, 1-блок, 6-көше, 367B үй, көлік құралын сату жөніндегі ашық аукцион өткізілетінін хабарлайды.
Сауда-саттықты өткізу әдісі: бағаны арттыру әдісі.
Аукцион 2026 жылғы 1 қазанда сағат 11:00-де, Кувейт Мемлекеті, Сурра, 1-блок, 6-көше, 367B үй мекенжайы бойынша өткізіледі.
Сату объектісі туралы мәліметтер
№ 1 лот
Жеңіл автокөлік
Маркасы мен моделі: Mercedes-Benz S400L
Шығарылған жылы: 2015
Түсі: қою көк
Жүрісі: 204 000 км
Қозғалтқышының көлемі: 2 996 см³
Отын түрі: бензин
VIN: WDDUG6FB8FA119383
Тіркеу нөмірі: 1/240
Жалпы жай-күйі: техникалық тұрғыдан ақаулы, жөндеуді, сондай-ақ шиналарын ауыстыруды қажет етеді.
Бастапқы бағасы: 10 096,07 АҚШ доллары (3 100 кувейт динары).
Бастапқы бағаның 15%-ы мөлшеріндегі кепілдік жарна: 1 514,41 АҚШ доллары.
Бастапқы бағаның 5%-ы мөлшеріндегі аукцион қадамы: 504,80 АҚШ доллары.
Қатысу шарттары және өтінімдерді беру тәртібі
Кепілдік жарнаны аударуға арналған банк деректемелері
Қаражат алушы: Кувейт Мемлекетіндегі Қазақстан Республикасының Елшілігі
Қаражат алушының мекенжайы: Кувейт Мемлекеті, Сурра, 1-блок, 6-көше, 367B үй
Қаражат алушының тіркеу нөмірі: 3553
Банктің атауы: Кувейт Ұлттық Банкі (NBK)
Шот нөмірі: 2010333980
IBAN: KW06NBOK0000000000002010333980
SWIFT/BIC: NBOKKWKW
Төлем мақсаты: «№ 1 лот бойынша аукционға қатысу үшін кепілдік жарна».
Сатып алушының міндеттері және көлік құралын алу тәртібі
Ең жоғары баға ұсынған жеңімпаз сауда-саттық аяқталғаннан кейін аукцион қорытындылары туралы хаттамаға дереу қол қоюға міндетті.
Сатып алушы сатып алу-сату шартына қол қойылған күннен бастап 10 жұмыс күні ішінде бұрын төленген кепілдік жарнаны шегере отырып, көлік құралының толық құнын аударуға міндетті.
Көлік құралының толық құны ұйымдастырушының банк шотына түскеннен және барлық қажетті құжаттарға қол қойылғаннан кейін көлік құралы сатып алушыға беріледі.
Меншік құқығын қайта ресімдеуге, көлік құралын тіркеуге, салықтарды, әкімшілік алымдарды, кедендік баждарды және көлік құралын сатып алуға байланысты өзге де төлемдерді төлеуге жұмсалатын барлық шығыстарды сатып алушы толық көлемде көтереді.
Көлік құралын қарап-тексеру және байланыс ақпараты
Көлік құралының техникалық жай-күйімен және құжаттар топтамасымен танысуға, сондай-ақ өтінім нысаны мен сатып алу-сату шартының жобасын Кувейт Мемлекеті, Сурра, 1-блок, 6-көше, 367B үй мекенжайы бойынша жұмыс күндері сағат 9:00-ден 15:00-ге дейін алуға болады.
Байланыс тұлғасы: Abdurassul Teipov
Анықтама телефоны: +965 51421247
Электрондық пошта: ab.teipov@gmail.com
Әл-Кувейт, 2026 жылғы 2 қыркүйек – Қазақстан Республикасының Кувейт Мемлекетіндегі Елшісі Ержан Елекеев Кувейт ғылыми зерттеулер институтының (Kuwait Institute for Scientific Research, KISR) Бас директоры Файсал Әл-Хумайданмен кездесу өткізді.
Кездесу барысында тараптар ғылыми-техникалық ынтымақтастықты дамытудың перспективаларын, оның ішінде су қауіпсіздігі саласында KISR мен Қазақстанның бейінді ғылыми-зерттеу институттары және ұйымдары арасында тікелей байланыстар орнату мәселелерін қарастырды.
Тараптар су ресурстарын ұтымды пайдалану және басқару саласындағы ғылыми әзірлемелер мен практикалық тәжірибе алмасу мүмкіндіктерін, соның ішінде Қазақстанның трансшекаралық су ресурстарын басқару және ұтымды пайдалану мәселелері бойынша көршілес мемлекеттермен өзара іс-қимыл жасауда жинақтаған тәжірибесін талқылады.
Осы тұрғыда Елші Қазақстанның БҰҰ аясында Халықаралық су ұйымын құру жөніндегі бастамасы туралы хабардар етті. Кувейт тарапы аталған бастамаға қызығушылық танытып, су қауіпсіздігі мәселелерінің өзектілігін және осы бағыттағы халықаралық күш-жігерді біріктірудің маңыздылығын атап өтті.
Сонымен қатар мұнай өңдеу, мұнай-химия және озық технологиялар саласындағы ынтымақтастыққа назар аударылды. Тараптар мұнайды терең өңдеу, сутегі технологиялары мен озық материалдар, оның ішінде «жасыл» сутегі, сондай-ақ асфальтендерді өңдеу арқылы графен және басқа да көміртекті материалдар алу салаларында бірлескен зерттеулер жүргізу және технологиялар алмасу перспективаларын қарастырды.
Кездесу қорытындысы бойынша тараптар екі елдің ғылыми-зерттеу ұйымдары арасында тікелей байланыстарды дамытуға өзара мүдделілігін растады және ынтымақтастықтың нақты бағыттары мен бірлескен жобаларды одан әрі пысықтауға уағдаласты.
Кувейт ғылыми зерттеулер институты (KISR) 1967 жылы құрылған және Кувейттің жетекші мемлекеттік ғылыми-зерттеу мекемесі болып табылады. Институт қолданбалы ғылыми зерттеулер жүргізіп, мемлекеттік және жеке секторларға ғылыми-техникалық қолдау көрсетеді. KISR-де шамамен 1,4 мың адам жұмыс істейді, оның ішінде 580-нен астамы – зерттеушілер мен инженерлер. Институт қызметі төрт негізгі бағытты қамтиды: мұнай және су саласындағы зерттеулер, энергетика және құрылыс, сондай-ақ қоршаған орта.
АҚПАРАТТЫҚ БЮЛЛЕТЕНЬ
Жалпы ақпарат
2026 жылғы 3 маусымда Қазақстан Парламентінің төменгі палатасы – Мәжіліс «Қазақстан Республикасының жаңа Конституциясының қабылдануына байланысты рақымшылық жасау туралы» заң жобасын және оған ілеспе заңнамалық түзетулерді бірінші оқылымда мақұлдады.
Ұсынылып отырған заң жобасы Қазақстан тарихындағы алғашқы ауқымды әкімшілік рақымшылықты енгізеді және 2026 жылы жаңа Конституцияның қабылдануымен, сондай-ақ елдегі саяси және институционалдық реформалардың неғұрлым кең бағдарламасымен тікелей байланысты.
Қазақстанда қылмыстық рақымшылықтар кезең-кезеңімен жүргізіліп келгенімен, Әкімшілік құқық бұзушылық туралы кодексте мұндай мүмкіндік заң жүзінде бұрыннан көзделгеніне қарамастан, әкімшілік рақымшылық бұған дейін ешқашан қолданылмаған. Жаңа бастама болмашы әкімшілік құқық бұзушылықтар жасаған адамдарға орындалмаған міндеттемелерін реттеуге және әрі қарай жүруге мүмкіндік беруге бағытталған.
Әкімшілік рақымшылық қылмыстық рақымшылықпен бір мезгілде жүргізіледі, бұл екі шараның қатар іске асырылуының алғашқы жағдайы болмақ. Әкімшілік жазаларды және айыппұлдар бойынша берешекті азайтуға бағытталған осындай бағдарламалар әлемнің бірқатар елінде әртүрлі нысанда қолданылған.
2026 жылғы 1 шілдедегі № 328-VIII ҚРЗ «Қазақстан Республикасының жаңа Конституциясының қабылдануына байланысты рақымшылық жасау туралы» Қазақстан Республикасының Заңына сәйкес, рақымшылықты іске асыру үшін қажетті шаралар 2026 жылғы 1 шілдеден 31 желтоқсанға дейін жүргізіледі.
Негізгі фактілер
Рақымшылық не үшін енгізіледі
Әкімшілік рақымшылық: кімдерге қолданылады
Әкімшілік рақымшылық Қазақстан Республикасының Әкімшілік құқық бұзушылық туралы кодексінің жаңа 889-1-бабымен реттеледі.
Бұл шара мына тұлғаларға салынған әкімшілік айыппұлдарға қолданылады:
Жеке кәсіпкерлерді қамту экономикалық белсенділікті қолдауға және төленбеген әкімшілік айыппұлдарға байланысты қаржылық жүктемені азайтуға бағытталған.
Әкімшілік рақымшылық мыналарға қолданылмайды:
Қылмыстық рақымшылық
Тәуелсіздік алғаннан бері Қазақстанда маңызды ұлттық белестер мен ізгілік пайымдарына байланысты 10 (он) қылмыстық рақымшылық жүргізілді. Қазіргі бастаманың ерекшелігі – ол алғаш рет қылмыстық рақымшылықты ауқымды әкімшілік рақымшылықпен ұштастырады.
Кімдерге қолданылмайды. Рақымшылық мына құқық бұзушылықтар үшін сотталған адамдарға қолданылмайды:
Іске асыру тетігі
Күтілетін әсер
Тікелей гуманитарлық және әкімшілік мақсаттардан бөлек, бұл бастама Қазақстанның конституциялық, саяси және институционалдық жаңғыруының неғұрлым кең бағдарламасының бір бөлігі болып табылады.
Жинақталған әкімшілік істерді толық цифрлық процесс арқылы жабу мемлекеттік басқарудың тиімділігін арттыру, мемлекеттік деректер жүйелерін жетілдіру және мемлекеттік қызметтерді одан әрі цифрлық трансформациялау жөніндегі ағымдағы күш-жігерге де үлес қосады деп күтілуде.
Халықаралық тәжірибе
Әлем елдері азаматтар мен бизнеске орындалмаған әкімшілік міндеттемелерін реттеуге көмектесу, өндіріп алу органдарына түсетін жүктемені азайту және заңдарды сақтауды ынталандыру мақсатында рақымшылық немесе жазаны жеңілдету бағдарламаларын кезең-кезеңімен енгізіп отырады.
Мысалдар:
Әл-Кувейт, 2026 жылғы 19 тамыз – Қазақстан Республикасының Кувейт Мемлекетіндегі Елшісі Ержан Елекеев Kuwait Oil Company (KOC) компаниясына барып, Кувейттің мұнай-газ саласында еңбек ететін Қазақстан азаматтарымен кездесті.
Кездесу барысында Елші қазақстандық мамандардың еңбек жағдайларымен танысып, отандастармен өзара қызығушылық тудыратын өзекті мәселелерді талқылады. Шетелде еңбек етіп жүрген қазақстандық мамандардың жоғары біліктілігі және олардың Кувейттің мұнай-газ саласын дамытуға қосып жүрген үлесі атап өтілді.
2026 жылғы 23 тамызда өтетін Қазақстан Республикасы Құрылтайы депутаттарының алдағы сайлауына ерекше назар аударылды. Е. Елекеев дауыс беру тәртібі туралы ақпарат беріп, Қазақстан азаматтарын белсенді азаматтық ұстаным танытып, сайлауға қатысуға шақырды.
Елші шетелде тұратын және еңбек ететін Қазақстан азаматтарымен тұрақты байланысты сақтаудың маңыздылығын атап өтіп, Елшіліктің отандастарға қажетті консулдық және ақпараттық қолдау көрсетуге дайын екенін жеткізді.
Кездесу аясында компания өкілдері Елшіні өндірістік нысандармен және кәсіпорын қызметінің негізгі бағыттарымен таныстырды.
Кездесу соңында Ержан Елекеев қазақстандық мамандарға кәсібилігі және Қазақстанды шетелде лайықты танытып жүргені үшін алғыс білдіріп, жұмыстарына табыс және амандық тіледі.