Шетелде тұрақты тұрғылықты жерге рұқсат алуды ресімдеу

Қажетті құжаттар:

1) Өтініш-сауалнама;

2) Жеке куәлігі мен төлқұжатының көшірмесі, туу туралы куәлігінің көшірмесі (16 жасқа толмаған балаларға);

Паспорт болмаған, жоғалған немесе жарамдылық мерзімі өткен жағдайда кез келген нысандағы жазбаша түсініктеме, сондай-ақ жаңа төлқұжат жасау үшін құжаттар қажет.

3) алимент бойынша мiндеттемелер болған жағдайда, алимент мөлшерiн анықтау немесе бiржолғы төлем туралы, алимент есебiне белгiлi бiр мүлiктi беру және т.б. туралы сот шешiмi;

4) әскери есептен шығару туралы анықтама;

Әскери есептен шығару туралы анықтама болмаған жағдайда, әскери билеттің түпнұсқасы және әскери есептен шығару және жеке әскери есепке алу құжатын тапсыру туралы өтініш;

5) Қазақстан Республикасы қорғаншылық және қамқоршылық органдарының он жасқа толған баланың ата-анасымен немесе өзге де заңды өкілдерімен бірге кетуі туралы шешім қабылдаған кезде баланың пікірін ескеру туралы қорытындысы;

6) Он сегіз жасқа толмаған балаларымен кету кезінде екінші ата-ананың нотариалды куәландырылған келісімі қажет. Келісім болмаған жағдайда сот шешімі бойынша рұқсат етілуі мүмкін;

7) Консулдық алымның төленгені туралы түбіртек – 140 АҚШ доллары. (Банк реквизиттері);

Консулдық бөлімге құжаттарды тапсыруға жазылу.