Визалық сұрақтар:

• Малайзияға 30 күнге дейін келетін ҚР азаматтарына виза қажет емес.

Паспорттың жарамдылығы:

• Паспорттың жарамдылық мерзімі сапар аяқталғаннан кейін кем дегенде 6 айға дейін жарамды болу керек.

Кедендік бақылау:

• Кедендік декларациялау туралы ақпарат

Медициналық сақтандыру:

• Медициналық сақтандыру полисін сатып алуы сапар кезінде жазатайым оқиғадан сақтандыруға және сақтандыру жағдайы басталған кезде күтпеген медициналық шығындардан аулақ болуға мүмкіндік береді.

    «Туристі міндетті сақтандыру туралы»

Қалыптасқан тәртіп нормалары:

• Малайзияда болған кезде, сізге оның заңдары қолданылады және сіз оларды қатаң сақтауға міндеттісіз, елдің заңдарын білмеу жауапкершіліктен босатпайды.
• Жалпы қабылданған этика мен мораль нормаларын ұстаныңыз, мінез-құлқыңызды айналаңыздағы жағдайға сәйкес түзетіңіз, жергілікті әдет-ғұрыптар мен дәстүрлерді құрметтеңіз.
• Шет тілінің негізгі сөздері мен тіркестерін білу елде болуыңызды жеңілдетеді және жергілікті халық тарапынан қошеметпен қабылданады.
• Ел туралы қосымша ақпаратпен танысыңыз: саяси жағдайы, климаттық ерекшеліктері, заңдары мен ұлттық дәстүрлері, қоғамдық және басқа да орындардағы мінез-құлық ерекшеліктері.

Пайдалы ақпарат:

Паспорттық бақылау өткен кезінде осы құжаттарды көрсету қажет:

1. Паспорт
2. «MDAC» электронды көші-қон картасы (Малайзияға кіруге дейін ең көбі 3 күн бұрын немесе әуежайға келгеннен кейін осы сілтеме арқылы толтырылуы мүмкін). Малайзияда тұрақты тұруға рұқсаты бар (Malaysia Permanent Residence) қазақстандықтар көші-қон картасын толтырудың қажеті жоқ.  

Шекарадан өткен кезде Малайзияның көші-қон қызметтері келесі құжаттарды талап етуі мүмкін:

1. 1. Қайту билеті
   2. Қонақ үйдің броні
   3. Малайзияда болуға жеткілікті қаражаттының болуы

Малайзияда келесі қазақстандық ұйымдар бар:

1. Kazakhstan Community in Malaysia
2. Qazaq Students Community 

Шетелге оқуға, жұмысқа немесе тұрақты тұруға барған жағдайда

• Құжаттарыңызды алдын ала заңдастыру немесе апостиль қою керек. Бұл, ең алдымен, білім туралы құжаттарға, АХАТ органдары берген куәліктерге, мүліктік қатынастарға және әлеуметтік қамсыздандыру мәселелеріне қатысты құжаттарға қатысты.

Консулдық есеп туралы:

• Оқу, жұмыс немесе тұрақты тұру мақсатында шет мемлекетке келген қазақстандық азаматтарға жақын жердегі қазақстандық дипломатиялық өкілдікте немесе консулдық мекемеде консулдық есепке тұру ұсынылады.
• Консулдық есепке қою Қазақстанға бармай-ақ көптеген мәселелерді шешуге мүмкіндік береді (сайлау мен референдумдарға қатысу, паспортты ресімдеу, азаматтық хал актілерін тіркеу және т.б.), сондай-ақ болу мемлекетінде әскери іс-қимылдар, жаппай тәртіпсіздіктер, дүлей зілзалалар туындаған жағдайда сіздің эвакуацияңызды жеңілдетеді.

Құқық қорғау органдарымен ұсталған жағдайда сіздің іс-әрекетіңіз:

• Күтпеген жағдайлар туындаған жағдайда (жергілікті құқық қорғау органдарының ұстауы, басқа адамдар тарапынан қорқыту, жол-көлік оқиғалары және т.б.) Сіз болу мемлекетінде қазақстандық консулдық мекеменің қызметкерімен кездесуді талап етуге құқығыңыз бар.
• ҚР консулдық мекемесінің қызметкерлері болмаған кезде шет тілінде қандай да бір Хаттамаларға және өзге де құжаттарға қол қоймаңыз.