Сыртқы көмек жөніндегі үйлестіру кеңесінің отырысына қатысу туралы

2021 жылы 14 мамырда Қазақстан Республикасының Молдова Республикасындағы Елшілігінің қызметкерлері Молдовада аккредиттелген дипломатиялық миссиялар мен халықаралық ұйымдардың өкілдері үшін Гагауз Ери Автономиялық-территориалдық құрылымының Башқаны жанындағы Сыртқы көмек жөніндегі үйлестіру кеңесінің отырысына қатысты.

Аталған іс-шара қарсаңында, яғни 2021 жылғы 12 мамырда Қазақстан Республикасының Молдова Республикасындағы Уақытша сенімді өкілі Ерлан Мұқашев Гагауз Ери АТҚ-ның Башқаны  Ирина Влахпен жұмыс кездесуін өткізді.

Келіссөз барысында тараптар екі елдегі орын алған эпидемиологиялық ахуалдың динамикасы және экономикаларындағы үрдістер мәселелері бойынша пікір алмасып, сондай-ақ Қазақстан аймақтары мен Автономия арасында әлеуметтік, экономикалық және мәдени салалардағы ынтымақтастықты арттыру перспективалары талқыланды.