Украинада қазақ диаспорасымен өзара әрекеттесу белсендірілуде

Ү.ж. 11 ақпанында Қазақстанның Украинадағы Елшісі Дархан Кәлетаев Украинаның әр түрлі аймақтарын ұсынатын қазақ диаспорасының белсенділерімен кездесті.

Әңгімелесу барысында қазақстандық дипломат Қазақстан Республикасы Тәуелсіздігінің 30 жылдығын мерекелеуге дайындық туралы, сондай-ақ Елшілік жұмысының басым бағыттары туралы, оның ішінде шетелдегі қандастарды қолдау мәселелері бойынша ақпарат берді.

Осы тұрғыда Украинадағы қазақ диаспорасын бірлескен іс-шаралар арқылы одан әрі консолидациялау мәселелері талқыланды. Жиналысқа қатысушылардың жалпы пікірі бойынша, биылғы жылдың басты оқиғаларының бірі Украина қазақтарының Құрылтайы болады, оның барысында бірқатар маңызды шешімдер қабылдау жоспарлануда, соның ішінде Украинаның қазақтар қауымдастығын құру.

Кездесу соңында Елші Д.Кәлетаев «ISKA Ukraine» кикбоксинг федерациясының Президенті Николай Акижановты жоғары атағымен - Украинаның кикбоксингке еңбегі сіңген жаттықтырушысының берілуімен құттықтады.