Визалық сұрақтар:

• Қазақстан мен Украина арасында визасыз режим қолданылады.
  ҚР азаматтары үшін елде болу мерзімі – әр 180 күн ішінде 90 күнтізбелік күнге дейін.
  (Яғни, бір сапар барысында ҚР азаматы Украинада ең көбі 90 күн бола алады.)
• Қазақстан Республикасының жарамды жол жүру құжаттары:
  шетелдік паспорт, дипломатиялық паспорт, қызметтік паспорт.

Украинада әскери жағдайдың енгізілуіне байланысты қазіргі таңда елге кіруге қосымша талаптар қойылған.
Қазақстан Республикасы азаматтарының Украинаға кіруі тек үшінші ел арқылы транзитпен мүмкін.
Транзиттік елге кіру ережелерімен алдын ала танысу ұсынылады.

Украинаның мемлекеттік шекарасынан өту үшін
ҚР азаматы келесі талаптарды орындауы қажет:

• жарамды паспорттық құжаты болуы тиіс;
• Украина аумағына кіруге тыйым салынбаған болуы керек;
• қажет болған жағдайда, жарамды визасы болуы тиіс;
• сапардың мақсатын растауы керек (мысалы, шақыру хаты немесе туыстық қатынастарды растайтын құжаттар);
• жеткілікті қаржылық қамтамасыз етуге ие болуы керек (30 күнге — кемінде 55 825 гривна).

Кіруге рұқсат беру немесе бас тарту шешімін Украина Мемлекеттік шекара қызметінің қызметкері өткізу бекетінде құжаттарды тексергеннен кейін қабылдайды.
Нотариалды куәландырылған құжат көшірмелері шекараны кесіп өту құқығын бермейді.

Толығырақ ақпаратты Украина Мемлекеттік шекара қызметінің ресми сайтынан таба аласыз:
https://dpsu.gov.ua/ua//dokumenti-dlya-peretinannya-derzhavnogo-kordonu-ukraini//

Паспорттың жарамдылығы:

• Паспорттың жарамдылық мерзімі сапар аяқталғаннан кейін кем дегенде 6 айға дейін жарамды болу керек..

Кедендік бақылау:

Тасымалдауға рұқсат етіледі:

• Спирт мөлшері 22%-дан асатын 1 литр алкогольді ішімдік;
• 2 литр шарап;
• 5 литр сыра;
• 50 дана сигара, 200 дана темекі немесе 250 грамм темекі өнімі;
• Жеке заттар (киім, техника және т.б.) әуе көлігімен кіргенде, құны 500 еуроға және салмағы 50 кг-ға дейін;
• жерүсті көлігімен кіргенде, құны 300 еуроға және салмағы 50 кг-ға дейін;
• Қолма-қол ақша, 10 000 еуроға дейін, міндетті декларациясыз.

Әкетуге және әкелуге тыйым салынады:

• Ветеринарлық сертификаты жоқ жануар тектес өнімдер (ет, сүт, балық, жұмыртқа, май, бал);
• Украина Ішкі істер министрлігінің рұқсатынсыз атыс және суық қару, оқ-дәрілер мен жарылғыш заттар;
• Нашақорлық және психотроптық заттар, оның ішінде кейбір дәрі-дәрмектер, рецептісіз және Денсаулық сақтау министрлігінің рұқсатынсыз;
• Порнографиялық материалдар, әсіресе кәмелетке толмағандарды бейнелейтіндер;
• Тарихи және мәдени құндылықтар, арнайы рұқсатсыз елден шығаруға болмайды;
• Жалған тауарлар, контрафактілік цифрлық тасымалдаушылар және пираттық бағдарламалық қамтамасыз ету;
• Радиоактивті және улы заттар.

Елдегі әскери жағдайға байланысты қосымша шектеулер енгізілуі мүмкін.
Осыған байланысты, Украина Мемлекеттік шекара қызметінің, Украина Қауіпсіздік қызметінің және басқа да уәкілетті органдардың ресми сайттарында жарияланған ақпаратты тұрақты бақылап отыру ұсынылады.

Медициналық сақтандыру:

• Медициналық сақтандыру полисін сатып алуы сапар кезінде жазатайым оқиғадан сақтандыруға және сақтандыру жағдайы басталған кезде күтпеген медициналық шығындардан аулақ болуға мүмкіндік береді.

    «Туристі міндетті сақтандыру туралы»

Эпидемиялық ахуал:

• Қазіргі уақытта Украинада жұқпалы аурулардың өршуі тіркелмеген. Дегенмен, стандарттың алдын алу шараларын сақтау және жергілікті эпидемиологиялық жағдайдан хабардар болу ұсынылады.
• Сапар алдында Украинаға кіру талаптарының өзектілігін нақтылап алыңыз, себебі олар өзгеруі мүмкін.

Қалыптасқан тәртіп нормалары:

• Украинада жүрген кезде сол елдің заңдары сізге де қатысты болады және оларды қатаң сақтау міндетті. Ел заңдарын білмеу жауапкершіліктен босатпайды.
• Қоғамда қалыптасқан әдеп пен мораль нормаларын сақтап, мінез-құлқыңызды қоршаған ортаға бейімдеңіз, жергілікті салт-дәстүрлерді құрметтеңіз.
• Шет тіліндегі негізгі сөздер мен тіркестерді білу елде болуды жеңілдетіп, жергілікті халық тарапынан жағымды қабылданады.
• Әскери нысандарды, инфрақұрылымды, мемлекеттік мекемелер мен құқық қорғау органдары қызметкерлерін суретке түсіруден аулақ болыңыз, бұл заң бұзушылық ретінде қабылдануы мүмкін.

Пайдалы ақпарат:

• Google Maps секілді мобильді карталарды алдын ала жүктеп алыңыз.
• Банктік карталар ерекшеліктері: Visa, Mastercard, UnionPay карталары кеңінен қолданылады.
• Жергілікті SIM-картаны сатып алу немесе роуминг қызметін қосу қажеттілігі.
• VPN және басқа қажетті қосымшаларды орнату қажеттілігі.
• Әуе дабылы сигналына мән бермей қалмаңыз, дереу жақын маңдағы паналау орнына немесе қауіпсіз жерге барыңыз.

Шетелге оқуға, жұмысқа немесе тұрақты тұруға барған жағдайда

• Құжаттарыңызды алдын ала заңдастыру немесе апостиль қою керек. Бұл, ең алдымен, білім туралы құжаттарға, АХАТ органдары берген куәліктерге, мүліктік қатынастарға және әлеуметтік қамсыздандыру мәселелеріне қатысты құжаттарға қатысты.

Консулдық есеп туралы:

• Оқу, жұмыс немесе тұрақты тұру мақсатында шет мемлекетке келген қазақстандық азаматтарға жақын жердегі қазақстандық дипломатиялық өкілдікте немесе консулдық мекемеде консулдық есепке тұру ұсынылады.
• Консулдық есепке қою Қазақстанға бармай-ақ көптеген мәселелерді шешуге мүмкіндік береді (сайлау мен референдумдарға қатысу, паспортты ресімдеу, азаматтық хал актілерін тіркеу және т.б.), сондай-ақ болу мемлекетінде әскери іс-қимылдар, жаппай тәртіпсіздіктер, дүлей зілзалалар туындаған жағдайда сіздің эвакуацияңызды жеңілдетеді.

Құқық қорғау органдарымен ұсталған жағдайда сіздің іс-әрекетіңіз:

• Күтпеген жағдайлар туындаған жағдайда (жергілікті құқық қорғау органдарының ұстауы, басқа адамдар тарапынан қорқыту, жол-көлік оқиғалары және т.б.) Сіз болу мемлекетінде қазақстандық консулдық мекеменің қызметкерімен кездесуді талап етуге құқығыңыз бар.
• ҚР консулдық мекемесінің қызметкерлері болмаған кезде шет тілінде қандай да бір Хаттамаларға және өзге де құжаттарға қол қоймаңыз.