Қазақстан Республикасының Қазан қаласындағы Бас консулы Ерлан Ысқақов Қазан федералдық университетінің ректоры Ильшат Гафуровпен кездесті

2021 жылғы 8 желтоқсанда Қазақстан Республикасының Қазан қаласындағы Бас консулы Ерлан Ысқақов Қазан (Приволжск) федералдық университетінің ректоры Ильшат Гафуровпен кездесті.

Кездесу барысында тараптар жоғары оқу орындары арасындағы ынтымақтастықты дамыту мәселелерін, консулдықпен бірлескен мәдени-ағарту іс-шараларын ұйымдастыру перспективаларын талқылады. Университетте Қазақстанның 570-ке жуық азаматы білім алуда және республиканың 28 ғылыми-білім беру орталықтарымен жасалған келісімдер шеңберінде ынтымақтастықты іске асырады.

Сонымен қатар, Нұр-сұлтан қаласындағы Л. Н. Гумилев атындағы Еуразия ұлттық университетінің базасында - Қазақстан Республикасында татар тілі мен мәдениетін қолдау, дәріптеу және дамыту мақсатында құрылған "Каюм Насыри институты" білім беру-мәдени Орталығы өз қызметін жүзеге асыруда.

Кездесу соңында университеттің құрылуы мен даму кезеңдерімен таныстыратын презентация көрсетілді.