АИР Парламенті төменгі палатасының спикерімен кездесу

2020 ж. 14 қаңтарда Қазақстанның Ауғанстандағы Елшісі Ә.Есенгелдиев АИР Парламенті төменгі палатасының спикері М.Рахманимен кездесті. Ауғанстандық тараптың бастамасымен өткізілген кездесуге АИР-дің әртүрлі провинцияларынан Волеси Джирга комитетін басқаратын депутаттар да қатысты.
Кездесу барысында М.Рахмани ҚР-АИР парламентаралық қатынастардың дамуы туралы хабарлап, жақында елімізге жасаған ресми сапарларынан алған әсерімен бөлісті. Сонымен қатар, тараптар сауда-экономикалық және мәдени-гуманитарлық салалардағы ынтымақтастықтың өзекті мәселелерін талқылады.