Сауда-экономикалық ынтымақтастығы

Сауда-экономикалық ынтымақтастық

Қазақстан мен Ауғанстан арасындағы тауар айналымы 2023 жылы 522,1 млн. АҚШ доллары көлеміне жетті.

Оның ішінде Қазақстаннан Ауғанстанға экспорт көлемі 504,2 млн. АҚШ долларын құрады. Қазақстаннан Ауғанстанға экспорттың негізгін: бидай немесе қара бидай ұны (үлесі 58,3%), бидай (19,4%), легирленбеген болаттан жасалған жалпақ илек суықтай илектелген (4,2%), күнбағыс майы (3,4%), кептірілген бұршақ дақылдары (3%), аралас минералды тыңайтқыштар (2,2%), зығыр тұқымдары (2,1%), табиғи газ (2%) және т. б. тауарлар құрады.

2023 жылы Ауғанстанның Қазақстанға импорт көлемі 17,9 млн. АҚШ  долларын құрды. Оның негізін: минералды, газдалған және қант қосылған су (үлесі 80,5%), жүзім, жаңа піскен немесе кептірілген (6,1%), парфюмерияда немесе фармацияда қолданылатын өсімдіктер (2,7%), пияз, сарымсақ (2,7%) және т. б. тауарлар құрды.

ҚР Ұлттық банкінің деректеріне сәйкес Ауғанстаннан Қазақстанға тікелей шетелдік инвестициялар ағыны 1 млн. АҚШ долларын құрды.

2023 жылы Қазақстанға Ауғанстаннан 197 кәсіпкер мен 70 компания жіберілді. Олардың сапарлары барысында келесі келісімшарттар жасалды:

1. «Bashir Nawid Complex» - а/ш өнімдерін жеткізуге келісімшарт жасасу.
2. «Ауғанстан майы дилерлерінің Балх одағы» – Қазақстанның майлы дақылдарды қайта өңдеушілердің Ұлттық қауымдастығы арасындағы ынтымақтастығы туралы Меморандумға қол қою.
3. «Паши групп» - «Евразиан Фуд Трейд» ЖШС-мен ұн жеткізуге қатысты келісімшартқа қол қою.
4. «Сафар компаниясы Лимитед» - «Май дела» ЖШС-мен өсімдік майын жеткізуге келісімшартқа қол қою.
5. «Асали ЛТД» - өсімдік майын жеткізуге ОРТАМАКС ЖШС және «Пойма май комбинаттары» ЖШС-мен келісімшартқа қол қою.
6. «Агахан Тужарат ЛТД» - «Зырян Май» ЖШС өсімдік майы сатып алуға қатысты келісімшартқа қол қою.
7. «Хамиди Энерджи» – «Промбаза-7» ЖШС-мен өсімдік майын жеткізуге келісімшартқа қол қою.

Документы

Новости

Полезные материалы

Медиагалерея

События

Реализуемые проекты

Услуги

Организации

Часто задаваемые вопросы