Қазақстанның Индонезиядағы Елшісі Данияр Сарекенов Индонезияның Қазақстандағы Елшісі Рахмат Прамономен екіжақты ынтымақтастық мәселелерін талқылады

2020 жылғы 15 қаңтарда Жакарта қаласында Қазақстанның Индонезиядағы Елшісі Данияр Сарекенов Индонезияның Қазақстандағы Елшісі Рахмат Прамономен кездесті.

Кездесу барысында дипломаттар екі ел арасындағы ынтымақтастықтың кең ауқымды мәселелерін, сондай-ақ Қазақстан-Индонезия қарым-қатынастарын дамыту перспективаларын, оның ішінде ағымдағы жылы кезекті саяси консультациялар мен Экономикалық ынтымақтастық жөніндегі үкіметаралық комиссияның 2-ші отырысын Нұр-Сұлтан қаласында өткізу мәселелерін талқылады.

Тараптар өзара қызығушылық тудыратын барлық салаларда екіжақты ынтымақтастықты нығайтуға бірлескен күш салуға келісті.