ҚАЗАҚСТАН РЕСПУБЛИКАСЫНЫҢ ТУУ ТУРАЛЫ КУӘЛІГІН БЕРУ
Түркияда тұратын Қазақстан Республикасының азаматтарында бала туған жағдайда, балаға ҚР туу туралы куәлігі ресімделеді. Ол үшін баланың тууынан кейін 2 ай ішінде егер баланың ата-анасының екеуі де ҚР азаматы болса, кем дегенде біреуі, ал егер баланың ата-анасының тек біреуі ғана (жеке) ҚР азаматы болса, онда сол ата-анасы өзіне жақын орналасқан ҚР-ның ТР-дағы консулдық мекемесіне келіп, төмендегі құжаттарды тапсыруы қажет:
Баланың тууын тіркеу үшін екі ай ішінде, ал өлі бала туылған жағдайда туған сәтінен бастап бес тәуліктен кешіктірмей келесі құжаттар ұсынылады:
1) Тұрғылықты мекенжайы көрсетілген тууды мемлекеттік тіркеу туралы қазақша немесе орысша өтініш;
2) ата-анасының жеке басын куәландыратын құжаттардың көшірмесі (тұпнұсқасын салыстырып тексеру үшін);
3) ата-анасының неке қию (ерлі-зайыптылық) туралы куәлігінің көшірмесі (тұпнұсқасын салыстырып тексеру үшін);
4) апостиль қойылған туу туралы медициналық куәлік "Doğum Raporu".
5) консулдық алымның төленгенін растайтын түбіртектің түпнұсқасы - 25 АҚШ доллары.
Баланың тууын тіркеу мерзімі бұзылған жағдайда мынадай құжаттар қосымша ұсынылады:
1) ата-ананың еркін нысандағы жазбаша түсініктемесі;
2) тиісті әкімшілік аумақтық бірлік органының туу туралы акт жазбаның жоқтығы туралы анықтама;
3) баланың денсаулығы туралы анықтама.
**** өтініш баланың ата-анасының біреуінің жеке қатысуымен қабылданады.
***шет тілінде берілетін барлық құжаттар қазақ немесе орыс тіліне аударылуы тиіс.
Мемлекеттік қызметті көрсету мерзімі - 5 жұмыс күні.