2023 жылдың 8-9 маусым күндері Елордада Астана Халықаралық форумы өтеді.
Форумның басты тақырыбы: «Диалог арқылы сын-қатерлерді еңсеру: ынтымақтастық, даму және прогресс жолында».
Іс-шара Қазақстан Республикасының Президенті Қасым-Жомарт Тоқаевтың төрағалығымен өтеді. Әлемнің түкпір-түкпірінен жиналған үздік сарапшылар қазіргі кездегі жаһандық мәселелердің шешімін табу мақсатында жиналады.
Құрметті қонақтар арасында:
- Мәртебелі Шейх Тамим бин Хамад Аль Тани, Катар мемлекетінің Әмірі
- Мәртебелі Садыр Жапаров, Қырғыз Республикасының Президенті
- Мәртебелі Желька Цвиянович, Босния және Герцеговина Президиумының төрағасы
- Д-р Нгози Оконджо-Ивеала, Дүниежүзілік сауда ұйымының Бас директоры (ДСҰ)
- Одрэ Азуле, Біріккен Ұлттар Ұйымының білім, ғылым және мәдениет жөніндегі Бас директоры (ЮНЕСКО)
- Армида Алисжахбана, Біріккен Ұлттар Ұйымы Бас хатшысының орынбасары және Біріккен Ұлттар Ұйымының Азия мен Тынық мұхит Экономикалық және әлеуметтік комиссиясының (АТМЭӘК) атқарушы хатшысы
- Кристалина Георгиева, Халықаралық Валюта Қорының Басқарушы директоры (ХВҚ)
- Мирослав Енча, БҰҰ Бас хатшысының Еуропа, Орталық Азия, Солтүстік және Оңтүстік Америка мәселелер жөніндегі көмекшісі, БҰҰ Орталық Азия бойынша Превентивті дипломатия жөніндегі өңірлік орталығы басшысының міндетін атқарушы
- Ивана Живкович, БҰҰ Бас хатшысының көмекшісі, Әкімшісінің көмекшісі және БҰҰ Даму бағдарламасының Еуропа және ТМД аймақтық бюросының директоры
- Хельга Шмид, Еуропадағы қауіпсіздік және ынтымақтастық ұйымының (ЕҚЫҰ) Бас хатшысы
- Маргарета Седерфельт, ЕҚЫҰ Парламенттік Ассамблеясының Төрағасы
- Чжан Мин, Шанхай Ынтымақтастық Ұйымының (ШЫҰ) Бас хатшысы
- Одиль Рено-Бассо, Еуропа қайта құру және даму банкінің (ЕҚДБ) президенті
- Масацугу Асакава, Азия даму банкінің (АДБ) президенті
- Сухейль Мұхаммед Фарадж әл Мазруи мырза, Біріккен Араб Әмірліктерінің Энергетика және инфрақұрылым министрі
- Януш Войцеховский, Еуропалық ауыл шаруашылығы жөніндегі комиссар
- Мулату Тешоме мырза, Эфиопияның экс-президенті
- Ласина Зербо мырза, Буркина-Фасоның экс-премьер-министрі
- Томас Гремингер, швейцариялық дипломат және ЕҚЫҰ экс-Бас хатшысы
- Дэниел Ергин, S&P Global төрағасының орынбасары
- Рае Квон Чунг, Ban Ki-moon Foundation for a Better Future қорының директоры және Корея Республикасының климат өзгеруі жөніндегі экс- кеңесшісі бар.
Форумға 1000-нан астам шетелдік қонақтар келеді. Халықаралық қоғамдастық АХФ мақсаттары шеңберінде мемлекетаралық ынтымақтастық модельдерін және жаңа жаһандық әріптестіктерді қалыптастыруды көздейді.
Екі күнге созылатын форум барысында барлық қатысушылар 4 негізгі бағыт бойынша мәселелерді шешудің жаңа жолдарын қарастырады:
- - Сыртқы саясат және халықаралық қауіпсіздік;
- - Халықаралық даму және тұрақтылық;
- - Энергетика және климаттың өзгеруі;
- - Экономика және қаржы.
Форум аясында жоғарыда аталған бағыттар бойынша 40-тан астам панельдік сессиялар, бейресми пікірталастар және басқа да бағдарламадан тыс іс-шаралар өткізіледі.
Форумның стратегиялық серіктестері – БҰҰ және CNN.
БҰҰ жоғары деңгейдегі спикерлерді ұсыну және өздерінің бірнеше агенттіктерінің қатысуын қамтамасыз ету арқылы іс-шараға қолдау көрсетеді.
CNN – әлемге танымал жаңалықтар арнасы. Сондықтан олардың стратегиялық медиа серіктес ретінде қатысуы форумға ерекше салмақ береді. CNN жүргізушісі Ричард Квест Пленарлық отырыстың модераторы болады.
Қазақстан үкіметі ұйымдастырған форум EXPO-да орналасқан Конгресс-Центрде, еліміздің көрнекті көрме кешенінде өтеді.
Ескерту
- Егер сіз форумға қатысуға мүдделі болсаңыз немесе серіктестік туралы қосымша ақпарат алғыңыз келсе, бізбен Астана Халықаралық форумының https://astanainternationalforum.org сайты арқылы байланысыңыз.
Бізбен байланыс