Визалық сұрақтар:

• Қазақстан мен ҚХР Гонконг және Макао АӘА арасында визасыз режим орнатылған.
• ҚР азаматтары үшін мемлекеттік шекарадан өткен сәттен бастап болу мерзімі "14" күнтізбелік күнді құрайды.
• Қазақстан Республикасының  жол жүруге жарамды құжаты болып: Қазақстан Республикасы азаматының паспорты табылады.

Паспорттың жарамдылығы:

• Паспорттың жарамдылық мерзімі сапар аяқталғаннан кейін кем дегенде 6 айға дейін жарамды болу керек.

Кедендік бақылау:

        ҚХР Гонконг және Макао АӘА аумақтарына алып келуге/алып шығуға тыйым салынған заттар:

• Есірткі және психотроптық заттар, қауіпті химиялық заттар, қару-жарақ, оқ-дәрілер, отшашулар, стратегиялық шикізат, өңделмеген гауһар тастар, жануарлар, жойылып кету қаупі төнген өсімдіктер, телекоммуникациялық жабдықтар және азық-түлік өнімдері.
• Жоғарыда аталған заттарды ҚХР Гонконг және Макао АӘА аумақтарына қолданыстағы лицензиясыз, медициналық анықтамасыз немесе ресми рұқсатсыз кіргізген/шығарған жағдайда жолаушылар жауапкершілікке тартылуы мүмкін.

Медициналық сақтандыру:

• Медициналық сақтандыру полисін сатып алуы сапар кезінде жазатайым оқиғадан сақтандыруға және сақтандыру жағдайы басталған кезде күтпеген медициналық шығындардан аулақ болуға мүмкіндік береді.

    «Туристі міндетті сақтандыру туралы»

Эпидемиялық ахуал:

• Тұрақты

Қалыптасқан тәртіп нормалары:

• ҚХР Гонконг және Макао АӘА-да болу кезінде жергілікті заңдарды қатаң сақтау қажет. Сондай-ақ, болу елінің заңдарын білмеу жауапкершіліктен босатпайды.
• Жалпы қабылданған этика мен мораль нормаларын ұстану керек.
• Шетелдік тілдегі негізгі сөздерді білу, шетелде болуды жеңілдетеді және жергілікті тұрғындар тарапынан құпталады.
• Болу елі туралы негізгі ақпаратпен танысуға кеңес береміз. Атап айтқанда, саяси жағдай, ауа-райының ерекшеліктері, заңдар мен ұлттық дәстүрлер, қоғамдық орындарда мінез-құлық ерекшеліктері.

Пайдалы ақпарат:

• Мобильді карталарды алдын ала орнату – Google maps.
• Электрондық төлем жүйелерінің ерекшеліктері - Wechat pay, Alipay, Kaspi pay, Apple pay.
• Банк карталарының ерекшеліктері - Visa, Mastercard, Unionpay.
• SIM картасын сатып алу немесе роумингті қосу қажеттілігі.

Шетелге оқуға, жұмысқа немесе тұрақты тұруға барған жағдайда

• Құжаттарыңызды алдын ала заңдастыру немесе апостиль қою керек. Бұл, ең алдымен, білім туралы құжаттарға, АХАТ органдары берген куәліктерге, мүліктік қатынастарға және әлеуметтік қамсыздандыру мәселелеріне қатысты құжаттарға қатысты.

Консулдық есеп туралы:

• Оқу, жұмыс немесе тұрақты тұру мақсатында шет мемлекетке келген қазақстандық азаматтарға жақын жердегі қазақстандық дипломатиялық өкілдікте немесе консулдық мекемеде консулдық есепке тұру ұсынылады.
• Консулдық есепке қою Қазақстанға бармай-ақ көптеген мәселелерді шешуге мүмкіндік береді (сайлау мен референдумдарға қатысу, паспортты ресімдеу, азаматтық хал актілерін тіркеу және т.б.), сондай-ақ болу мемлекетінде әскери іс-қимылдар, жаппай тәртіпсіздіктер, дүлей зілзалалар туындаған жағдайда сіздің эвакуацияңызды жеңілдетеді.

Құқық қорғау органдарымен ұсталған жағдайда сіздің іс-әрекетіңіз:

• Күтпеген жағдайлар туындаған жағдайда (жергілікті құқық қорғау органдарының ұстауы, басқа адамдар тарапынан қорқыту, жол-көлік оқиғалары және т.б.) Сіз болу мемлекетінде қазақстандық консулдық мекеменің қызметкерімен кездесуді талап етуге құқығыңыз бар.
• ҚР консулдық мекемесінің қызметкерлері болмаған кезде шет тілінде қандай да бір Хаттамаларға және өзге де құжаттарға қол қоймаңыз.