Қазақстан Елшісі Дананг қаласына барды

2023 жылғы 18 желтоқсанда Қазақстан Елшісі Қанат Тумыш Дананг қаласына жұмыс сапарымен барып, оның басшысы, осы қаланың Халық комитетінің Төрағасы (Әкімі) Ле Чунг Чинь мырзамен кездесу өткізді.

Жан-жақты диалог пен пікір алмасу барысында тараптар екіжақты қатынастардағы ұлғая түскен өзара ынтымақтастықтың кейбір өзекті мәселелерін талқылады. Атап айтқанда:

1) Ақтау және Дананг порт-қалалары арасындағы бауырластық байланыстар туралы келісімге қол қою;

2) Қазақстаннан Вьетнамға қазақстандық туристік ағынның өсуін ескере отырып, Қазақстаннан Дананг қаласына тікелей әуе рейсін ашу, бұл ұсыныс визасыз режим 2024 жылы күшіне енгеннен кейін аса орынды болмақ;

3) ҚР-дың Түркі мемлекеттері ұйымына (ТМҰ) Төрағалығы аясында, ТМҰ елдерінің Оңтүстік-Шығыс Азия мемлекеттері қауымдастығымен (АСЕАН) ынтымақтастығын жандандыру. Тараптар, осы мақсатта әрі АСЕАН-ға, әрі ТМҰ-ға Вьетнам-ҚХР-Қазақстан-Әзербайжан-Түркия-Еуропа бағыты бойыша транзиттік-көліктік және мультимодальды-логистикалық әлеуетін барынша дамыту және арттыру үшін «Орта дәлізді» пайдалану өте маңызды болар еді деген ортақ ойға келді;

4) ғылыми-гуманитарлық байланыстарды нығайту мәселесін талқылап, екі елдің жоғары оқу орнылары арасында студенттер мен профессорлық-оқытушылық құрам алмасу бойынша жұмысты күшейту.

Өз кезегінде, Ле Чунг Чинь екі ел арасындағы қарым-қатынастың жоғары деңгейін ескере отырып, Дананг мен Алматы қалалары арасында бауырлас қала қатынастарын орнату туралы меморандумға тез арада қол қою қажеттігін атап өтті.