Қазақстан Елшісі Вьетнамның Сыртқы істер министрінің орынбасарымен кездесті

ҚР Елшісі Қанат Тумыш экономика мәселелеріне жетекшілік ететін Вьетнам Социалистік Республикасы Сыртқы істер министрінің жаңа орынбасары Нгуен Минь Ханг ханыммен кездесті.

Кездесу барысында екі ел арасындағы көпжақты ынтымақтастықтың кейбір өзекті мәселелері және өзара іс-қимылды кеңейту перспективалары қаралды. Атап айтқанда, 2024 жылы Вьетнам Президенті Во Ван Тхыонгтың Қазақстанға алдағы мемлекеттік сапары, келесі жылға жоспарланған Ханойда сімаралық саяси консультациялар өткізу және Астанадағы Үкіметаралық комиссияның кезекті отырысы.

Сонымен қатар, алдағы уақытта сауда-экономикалық және инвестициялық ынтымақтастық мәселелерін талқылау мақсатында сыртқы саяси ведомстволар делегацияларының сапарларымен алмасу ұсынылды.

Сондай-ақ, Елші ҚР Президенті Қ.К.Тоқаевтың ауқымды реформалары, атап айтқанда, Әділетті Қазақстанның жаңа экономикалық бағыты туралы хабардар етті. Тараптар көлік және туризм саласындағы ынтымақтастықты жолға қоюды, сондай-ақ орта дәліздің әлеуетін іске қосуды талқылады.

Нгуен Минь Ханг ханым Вьетнам Қазақстанның бастамаларын қолдайтынын атап өтті және Вьетнамның екіжақты Қазақстан-Вьетнам қатынастарын тереңдетуге деген ұмтылысын атап өтті.

Кездесу достық, ынтымақтастық және өзара құрмет атмосферасында өтті және өзара кооперацияны сапалы жаңа деңгейге көтеруге бағытталған.