Қазақстан Елшісі Куанг Нгай провинциясының басшылығымен кездесті

Қазақстанның Вьетнамдағы Елшісі Қанат Тумыш Орталық Вьетнамда орналасқан Куанг Нгай провинциясының басшылығымен кездесу өткізді. Атап айтқанда, оның бірінші тұлғасымен – провинциялық партия комитетінің хатшысы Буй Тхи Куинь Ван ханыммен ынтымақтастықтың әлеуетті салалары талқыланып, өзара туризм мен инвестициялардың перспективалары зерттелді.

Вьетнам Сыртқы істер министрлігі ұйымдастырған Куанг Нгай провинциясының көрмесінде жан-жақты диалог өтті. Осы іс-шара барысында Елші провинцияның әрі қарай ынтымақтастық үшін әлеуеті мен мүмкіндіктерімен (атап айтқанда, осы әкімшілік-аумақтық бірлікте өндірілетін бірқатар негізгі тауарлармен) танысты. Оның ішінде сауда, ауыл шаруашылығы, жеңіл өнеркәсіп, инвестициялар, туризм, көлік, білім беру және өзге де салаларда, сондай-ақ жетекші бизнес-әріптестермен практикалық ынтымақтастықты нығайту.