«Қазақстан Республикасының шетелдегі мүдделерін білдіру» бағдарламасы шеңберінде қаржылық көмек көрсету

Қиын жағдай деп мынадай мән-жайлар салдарынан туындаған жағдайлар түсініледі:

• форс-мажорлық мән-жайлар;
• Қазақстан Республикасы азаматтарын шет мемлекетке заңсыз әкелу;
• Қазақстан Республикасына қарсы бағытталған құқыққа қайшы әрекеттер;
• Қазақстан Республикасы азаматтарының шетелде денсаулығының нашарлауы және кенеттен қайтыс болу жағдайлары.

Қаржылық көмек түрлеріне мыналарға жұмсалатын шығыстар жатады:

• шет мемлекеттен Қазақстан Республикасына көлік шығыстарын өтеу (эконом-класс авиабилетінің құнынан аспайтын);
• аудармашы қызметін өтеу (бір күн үшін 15 АҚШ долларына баламалы сомадан аспайтын);
• адвокат қызметін өтеу (бір күн үшін 45 АҚШ долларына баламалы сомадан аспайтын);
• мыналарға біржолғы материалдық көмек:

тамақтану (күніне 80 АҚШ долларына баламалы сомадан аспайтын); тұру (күніне 200 АҚШ dollарына баламалы сомадан аспайтын);

олар болмаған жағдайда бірінші кезекте қажетті заттарды сатып алу (280 АҚШ долларына баламалы сомадан аспайтын);

• бальзамдау, мәйітті моргте сақтау немесе болған мемлекетте жерлеу шығыстарын төлей отырып, багажды жіберу, «200-ші жүкті» (Қазақстан Республикасына жіберу үшін Қазақстан Республикасының қайтыс болған азаматтарының табыттарын және күлі бар урналарын) рәсімдеу шығыстары.

Мынадай жағдайларда қаржылық көмек көрсетуден бас тартылады:

• өтініш берушінің көрінеу жалған мәліметтер хабарлауы;
• Қазақстан Республикасы азаматының болған елдің заңнамасын бұзуының қиын жағдайдың туындауына себеп болған құжатпен расталған фактілерінің болуы;
• Қазақстан Республикасы азаматының кінәсінен (соның ішінде алкогольдік немесе есірткілік мас күйінде) болған оқиға;
• Қазақстан Республикасының азаматы ықтимал тәуекелдерді түсіне отырып, қиын жағдайға өз еркімен тап болғанын растайтын фактілердің анықталуы.