Қазақстан Республикасына қайтуға арналған куәлікті рәсімдеу

Жеке басты куәландыратын және иесінің Қазақстан Республикасына бір рет кіру құқығын растайтын құжат.

Қазақстан Республикасының консулдық мекемелерімен беріледі:

• Қазақстан Республикасының азаматтарына – Қазақстан Республикасынан тыс жерде болған уақытында ҚР азаматының паспортын, ҚР азаматының жеке куәлігін, ҚР халықаралық шарттары мен келісімдерінде көзделген дипломатиялық немесе қызметтік паспортты жоғалтқан, не олардың қолданылу мерзімі өткен жағдайларда;
• Қазақстан Республикасының кәмелетке толмаған азаматтарына – олар ҚР тыс жерлерде туған жағдайда;
• Қазақстан Республикасында тұрақты тұратын азаматтығы жоқ адамдарға – ҚР тыс жерлерде болған уақытында азаматтығы жоқ адамның куәлігін жоғалтқан жағдайда;
• босқындарға – Қазақстан Республикасынан тыс жерде болған уақытында жол жүру құжатын жоғалтқан жағдайда;
• Қазақстан Республикасында тұрақты тұратын, ҚР-ға кіру үшін жарамсыз құжаттары бар немесе Қазақстан Республикасына кіру құжаттарын жоғалтқан ҚР азаматтарына және азаматтығы жоқ адамдарға – оларды ҚР-ға шығарып жіберген, Қазақстан Республикасына ұстап берген немесе ҚР ратификациялаған реадмиссия туралы халықаралық шартқа сәйкес ҚР-ға қабылдаған жағдайларда.

Қайта оралуға арналған куәліктің қолданылу мерзімі 3 айға дейін ресімделеді!

Назар аударыңыз!!! Қазақстан Республикасына келгеннен кейін қайта оралуға арналған куәлік тұрақты тұратын жері бойынша 10 күнтізбелік күнге дейінгі мерзімде Қазақстан Республикасының ішкі істер органдарына тапсырылады және жоғалған жеке басты куәландыратын құжаттарды қалпына келтіру жөніндегі материалдарға қоса тігіледі.