Страницы

Статья

Шетелде некені бұзуды мемлекеттік тіркеу

ҚҰЖАТТАР ТІЗІМІ

Кәмелетке толмаған балалары жоқ ерлі-зайыптылардың өзара келісімі бойынша некені (ерлі-зайыптылықты) бұзуды мемлекеттік тіркеу үшін:

некені (ерлі-зайыптылықты) бұзуды мемлекеттік тіркеу туралы өтініш;
некені (ерлі-зайыптылықты) бұзатын тұлғалардың жеке басын куәландыратын құжаттары немесе цифрлық құжаттар сервисінен электрондық құжат (салыстыру үшін);
неке қию (ерлі-зайыптылық) туралы куәлік;
консулдық алымның төленгенін растайтын құжаттың түпнұсқасы.

Хабар-ошарсыз кеткен немесе әрекетке қабілетсіз деп танылған тұлғалармен, не қылмыс жасағаны үшін кемінде үш жыл мерзімге бас бостандығынан айыруға сотталған тұлғалармен сот шешімі негізінде некені (ерлі-зайыптылықты) бұзуды тіркеу үшін:

өтініш жұбайлардың бірінің жұбайын хабар-ошарсыз кеткен, әрекетке қабілетсіз немесе әрекет қабілеті шектеулі деп тану туралы соттың заңды күшіне енген шешімі, сондай-ақ жұбайын қылмыс жасағаны үшін кемінде үш жыл мерзімге бас бостандығынан айыруға соттау туралы сот үкімі негізінде некені (ерлі-зайыптылықты) бұзуды тіркеу туралы;
қызмет алушының жеке басын куәландыратын құжат (салыстыру үшін);
жұбайын хабар-ошарсыз кеткен немесе әрекетке қабілетсіз деп тану туралы соттың заңды күшіне енген шешімі не жұбайын қылмыс жасағаны үшін кемінде үш жыл мерзімге бас бостандығынан айыруға соттау туралы сот үкімі (салыстыру үшін);
неке қию (ерлі-зайыптылық) туралы куәлік;
консулдық алымның төленгенін растайтын құжаттың түпнұсқасы.

Шет мемлекеттің құзыретті мекемесі берген немесе куәландырған не шет мемлекеттің елтаңбалық мөрімен бекітілген, өз құзыреті шегінде және белгіленген нысанда арнайы уәкілеттік берілген тұлға куәландырған құжаттар арнайы куәландыру (заңдастыру немесе апостильдеу) процедурасынан өткеннен кейін ғана қабылданады. Бұл заңдастыру/апостильдеу туралы талап 1993 жылғы 22 қаңтарда Минск қаласында жасалған Азаматтық, отбасылық және қылмыстық істер бойынша құқықтық көмек пен құқықтық қатынастар туралы конвенцияға және 2002 жылғы 7 қазанда Кишинев қаласында жасалған Азаматтық, отбасылық және қылмыстық істер бойынша құқықтық көмек пен құқықтық қатынастар туралы конвенцияға қатысушы мемлекеттердің азаматтарына қолданылмайды.

Қазақстан Республикасынан тыс жерде тиісті шет мемлекеттің тілінде берілген құжаттар мемлекеттік немесе орыс тіліне аударылуға тиіс.

ЕСІМІН, ӘКЕСІНІҢ АТЫН, ТЕГІН ӨЗГЕРТУГЕ БАЙЛАНЫСТЫ АКТ ЖАЗБАСЫНА ӨЗГЕРІСТЕР, ТОЛЫҚТЫРУЛАР МЕН ТҮЗЕТУЛЕР ЕНГІЗУ ҮШІН ҚҰЖАТТАР ТІЗІМІ

өтініш;
жеке басын куәландыратын құжат (тұлғаны сәйкестендіру үшін);
азаматтық хал актілерін мемлекеттік тіркеу туралы куәліктің түпнұсқасы (тулу, неке қию/некені бұзу туралы куәлік), жоғалған жағдайда оның жоғалғанын және азаматтық хал актілерін мемлекеттік тіркеу туралы мәліметтерді көрсету қажет;
өзгерістер, толықтырулар мен түзетулер енгізу қажеттілігін растайтын құжаттар туралы мәліметтер;
Қазақстан Республикасынан тыс жерде берілген, заңдастырылған немесе апостиль штампы бар, қазақ немесе орыс тіліне нотариалды куәландырылған аудармасымен, акт жазбасына өзгерістер, толықтырулар мен түзетулер енгізу қажеттілігін растайтын азаматтық хал актілерін мемлекеттік тіркеу туралы куәліктердің көшірмелері;
20 еуро мөлшеріндегі консулдық алымның төленгені туралы түбіртектің түпнұсқасы;
қызмет алушының өкілі жүгінген жағдайда нотариалды куәландырылған сенімхат.

ҚЫЗМЕТ КӨРСЕТУ МЕРЗІМІ

жеке тұлғалар бірлескен өтініш берген күннен бастап 30 күн өткен соң;
бас бостандығынан айыру орындарындағы екінші жұбайдан немесе әрекетке қабілетсіз жұбайдың қорғаншысынан не хабар-ошарсыз кеткен деп танылған жұбайдың мүлкіне қорғаншыдан көрсетілетін қызметті берушінің хабарламасын алған күннен бастап 45 күннен кейін, хабар-ошарсыз кеткен, әрекетке қабілетсіз деп танылған немесе қылмыс жасағаны үшін кемінде үш жыл мерзімге бас бостандығынан айыруға сотталған тұлғамен некені (ерлі-зайыптылықты) бұзуды мемлекеттік тіркеу;
құжаттарды қосымша тексеру қажет болған жағдайда, қарау мерзімі ұзартылған сәттен бастап 3 күнтізбелік күн ішінде қызмет алушыға хабарлай отырып, мерзім 30 күнтізбелік күннен аспайтын уақытқа ұзартылады.

КОНСУЛДЫҚ АЛЫМ СТАВКАСЫ