Құжаттарды заңдастыру және «Апостиль» мөртаңбасын қою

«Апостиль» штампын қою консулдық заңдастыру талабын жоятын және жеңілдетілген заңдастыру рәсімін — «апостиль» штампын қоюды енгізетін 1961 жылғы 5 қазандағы Гаага конвенциясына қосылған елдерге құжатты жіберу үшін қолданылады.

Бұл рәсімнің жеңілдетілген деп аталу себебі, бір жағынан, апостильдеу жеткілікті түрде тез және тек бір ғана уәкілетті органмен жүзеге асырылады, ал екінші жағынан, құжат Гаага конвенциясына қосылған барлық елдердің аумағында заңдық күшке ие болады.

Егер сіз құжатты дайындап жатқан ел Гаага конвенциясына қатысушы болып табылмаса, консулдық заңдастыру қажет. Бұл анағұрлым күрделі рәсім, ол құжатты ҚР Сыртқы істер министрлігінің органдарында, ҚР-дағы шетелдік елшілікте, содан кейін баратын елдің СІМ-де куәландыруды қамтиды. Бұл ретте құжат тек құжатында консулдықтың белгісі бар елдің аумағында ғана заңдық күшке ие болады.

* - мыналарды қоса алғанда: Джерси, Бейлиуик, Гернси, Гибралтар, Мэн аралы, Монтсеррат, Бермуд аралдары, Әулие Елена (Нидерланд Антиль аралдары), Жаңа Гебридтер, Теркс және Кайкос аралдары, Кайман аралдары, Виргин аралдары, Фолкленд аралдары.
** - тек Гонконг және Макао аумағында.

«Апостиль қою» мемлекеттік қызметін алу үшін консулдық бөлімге жеке өзі келіп, келесі құжаттарды ұсыну қажет:

1. өтініш;
2. жеке басын куәландыратын құжат (сәйкестендіру үшін);
3. апостильденуі тиіс құжат (түпнұсқасы немесе нотариалды куәландырылған көшірмесі);
4. қызмет алушының өкілі жүгінген жағдайда, нотариалды куәландырылған сенімхат.

«Құжаттарды заңдастыру» мемлекеттік қызметін алу үшін консулдық бөлімге жеке өзі келіп, келесі құжаттарды ұсыну қажет:

1. жеке тұлға үшін:
2. өтініш еркін нысанда;
3. Жеке басын куәландыратын құжаттың көшірмесі;
4. Заңдастырылуы тиіс құжат;
5. Мундағы консулдық алымның 30 еуро мөлшерінде төленгенін растайтын құжат (құжаттарды тапсырған күні банктік картамен төленеді).

1. заңды тұлға үшін:
2. өтініш еркін нысанда;
3. Уәкілетті тұлғаның жеке басын куәландыратын құжатының көшірмесі;
4. Заңдастырылуы тиіс құжат;
5. Құрылтай құжаттарының көшірмелері;
6. Өкілеттікті растайтын құжаттың көшірмесі.

Қазақстан Республикасына апостиль қою үшін жіберілген құжаттарды өңдеу мерзімі 3 және одан да көп айды құрайды.

Құжаттарды заңдастыру: жеке немесе заңды тұлға (бұдан әрі – қызмет алушы) құжаттар пакетін қызметті берушіге тапсырған күннен бастап – 3 жұмыс күні, ал қосымша зерттеу немесе тексеру жүргізу қажет болған жағдайда, мерзім күнтізбелік 30 күннен аспайтын уақытқа ұзартылуы мүмкін, бұл ретте мерзімдердің ұзартылғаны туралы қызмет алушыға жазбаша нысанда хабарланады.

Құжаттарды апостильдеу - 30 еуро;

Құжаттарды заңдастыру - 30 еуро.

• Generalkonsulat von Kasachstan

  IBAN: DE 29 1007 0100 0356 6999 01

  BIC: DEUTDEBB101

• Қазақстан Республикасы Салық кодексінің 678-бабының 7-тармағына сәйкес, төленген консулдық алымдар сомалары қайтарылуға жатпайды.

Құжаттарды қабылдау: күн сайын (сәрсенбі, сенбі және жексенбіден, сондай-ақ мереке күндерінен басқа) сағат 09.30-дан 12.30-ға дейін.

Кезекке брондауды мына сілтеме бойынша жасауға болады.

Мекенжайы: Bei Schuldts Stift 3, 20355 Hamburg

https://www.gov.kz/memleket/entities/mfa-hamburg/online-booking

Мына телефон бойынша хабарласыңыз: +49 (0) 403 037 64 83 және/немесе электрондық пошта: konsul-hamburg@mfa.kz.