Страницы

Статья

Қазақстан Республикасы азаматының паспортын рәсімдеу

Қазақстан Республикасы азаматтарына паспорттарды ресімдеу бойынша мемлекеттік қызметті Қазақстан Республикасының Ішкі істер министрлігі Қазақстан Республикасының консулдық мекемесі арқылы келесі санаттағы Қазақстан Республикасының азаматтарына көрсетеді:

Қазақстан Республикасынан тыс жерлерде тұрақты тұратын;
шетел аумағында орналасқан оқу орындарында оқитын;
шетелде еңбек шарты бойынша жұмыс істейтін;
Қазақстан Республикасынан тыс жерде дүниеге келген кәмелетке толмағандар;
жоғарыда аталған тұлғалармен бірге тұратын отбасы мүшелері;
Қазақстан Республикасынан тыс жерде тұратын шетелдік азаматтың отбасы мүшелері;
шетелдегі дипломатиялық қызмет персоналымен бірге тұратын олардың отбасы мүшелері;
өздігінен күтім жасай алмайтын егде жастағы адамдар, сондай-ақ өмір сүру қызметін шектейтін дене мүшелерінің тұрақты бұзылуымен денсаулық жағдайында кемістігі бар адамдар және өздігінен күтім жасай алмайтын жақын туыстарына күтім жасайтын адамдар;
шетелдік мемлекетте қамауда отырған, ұсталған немесе жазасын өтеп жатқан тұлғалар.

НАЗАР АУДАРЫҢЫЗ! Қазақстан Республикасының жеке куәліктерін беру консулдық мекеменің құзыретіне кірмейді.

ҚҰЖАТТАР ТІЗІМІ

Құжаттар екі данада ұсынылуы тиіс.

1. Өтініш нысаны.

2. Қазақстан Республикасының паспорты және оның көшірмесі (бірінші беті және консулдық есепке қойылғаны туралы мөрі бар беті).

3. Тұрақты тұру мәртебесін растайтын құжат және оның көшірмесі (Aufenthaltstitel), немесе оқуын, шетелде жұмыс істеуін, отбасылық жағдайын немесе өмір сүру қызметін шектейтін дене мүшелерінің тұрақты бұзылуымен денсаулық жағдайын растайтын құжаттар.

4. Германия азаматтығын алмағаны туралы анықтама және оның көшірмесі (Negativbescheinigung). Германия азаматтығын алуға өтініш бермегеніңізді растайтын анықтама (берілген күнінен бастап 30 күнтізбелік күн ішінде ұсынылуы керек), қазақ немесе орыс тіліне куәландырылған аудармасымен.

5. Неке қию / неке бұзу / қайтыс болу туралы куәліктер. Егер неке / неке бұзу / қайтыс болу Германияда тіркелсе, «Апостиль» мөрі және қазақ немесе орыс тіліне куәландырылған аудармасы міндетті.

6. Консулдық алымның төленгенін растайтын баспа құжаты (Quittungsbeleg, Kontoauszug).

7. Төрт түрлі-түсті фотосурет 3.5x4.5 см (фотосуреттер өтініш берушінің қазіргі жасына сәйкес келуі керек, жарық фон алдында бет-әлпеті бейтарап, ауыз жабық, беті фотосуреттің жалпы ауданының шамамен 75% алып тұруы керек. Фотосуреттер тығыз қағазда фотосурет әдісімен басып шығарылуы тиіс. Компьютерлік сканерлеу, модельдеу немесе көшірмелеу арқылы алынған суреттерді қолдануға тыйым салынады).

8. 16 жасқа толмаған бала паспорт алған жағдайда
- Туу туралы куәлік және баланың азаматтығын растау үшін ата-ананың біреуінің жеке басын куәландыратын құжат. Балаға ҚР азаматының жеке басын куәландыратын құжат алуға шетелдік ата-ананың нотариалды куәландырылған келісімі (егер бала ҚР-дан тыс жерде дүниеге келсе және ата-аналары әртүрлі азаматтықта болса, олардың біреуі бала дүниеге келген кезде ҚР азаматы болса, және екеуінің де сол уақытта ҚР-дан тыс жерде тұрақты тұрғылықты жері болса).

ҚР ПАСПОРТЫ ЖОҒАЛҒАН ЖАҒДАЙДАҒЫ ҚҰЖАТТАР ТІЗІМІ

Құжаттар екі данада ұсынылуы тиіс.

1. Өтініш нысаны.

2) Белгіленген нысанға сәйкес паспорттың жоғалу себептерін түсіндіретін өтініш-сауалнама.

3) Туу туралы куәліктің түпнұсқасы мен көшірмесі.

4) ҚР азаматы паспортының нотариалды расталған көшірмелері (бар болса), немесе жеке басыңызды куәландыратын және ГФР-ға тұрақты тұруға кіргеніңізді растайтын басқа құжаттар.

5) Германия азаматтығын алмағаны туралы анықтама және оның көшірмесі (Negativbescheinigung). Германия азаматтығын алуға өтініш бермегеніңізді растайтын анықтама (берілген күнінен бастап 30 күнтізбелік күн ішінде ұсынылуы керек), қазақ немесе орыс тіліне куәландырылған аудармасымен.

6) Паспорттың жоғалғаны туралы полицияға арыз бергеніңізді растайтын анықтама (қазақ немесе орыс тіліне куәландырылған аудармасымен).

7) Неке қию / неке бұзу / қайтыс болу туралы куәліктердің түпнұсқасы мен көшірмесі. ГФР құзырлы органдары берген құжаттар үшін «Апостиль» мөрі және куәліктің қазақ немесе орыс тіліне куәландырылған аудармасы міндетті.

8) Фотосуреттер 3.5x4.5 – 4 дана (матты) (Фотосурет өтініш берушінің қазіргі жасына сәйкес келуі тиіс, жарық фон алдында, езу тартпай, бетінің 75%-дан астамын алып тұруы керек).