Қазақстан мен Нидерланды – туризм саласындағы нақты жетістіктер

Гаага, 2025 жылғы 24 ақпан – Еуропалық туристер үшін Қазақстанның тартымдылығының артуының дәлелі ретінде NOMADventure компаниясының қызметі саналады, оның негізін қалаушылардың бірі Брам Овер біздің елдің Гаага қаласындағы Елшілігіне келді. Елші Қайрат Әбдірахмановпен өткен сұхбатында ол Алматы облысында бірнеше күн жалғасқан жаяу серуендер барысында Қазақстанның керемет таулы пейзаждарымен танысуға қатысты өзінің он жылдық тәжірибесін баяндады.

Қазіргі таңда нидерландтық туристер үшін тұрақты топтық турларды ұйымдастырып отырған компания табиғатты қорғауға, тұрақты дамудың қағидаттарына және жеке тұлғаның өсуіне ерекше назар аударады. Бұл тәсіл ел басшылығының тапсырмасымен аймақтардың туристік әлеуетін белсенді дамыту жоспарларымен үйлесімді келеді.

Б.Овер өз серіктестерімен ынтымақтастықтың кеңейіп жатқанын ризашылықпен атап өтті. Олар туристік орындармен бірге жоғары деңгейдегі қызмет көрсетуді қамтамасыз етіп, жаяу серуен жолдарының желісін, оның ішінде нидерландтық туристер арасында танымал трекинг бағыттарын географиялық кеңейту бойынша жұмыс жүргізуде. Еуропалық жұртшылықтың назарын Born Bold ғаламдық науқаны аударады, ол Қазақстанды заманауи, динамикалық және инновациялық, сонымен қатар бай мәдени мұраға ие ел ретінде таныстырады. Сондай-ақ, шетелдік мамандарға қашықтан жұмыс істеуге және еңбек қызметін саяхатпен үйлестіруге мүмкіндік беретін жаңа енгізілген Neo Nomad визалары туристік сапарларға қосымша серпін береді.

Туризм саласындағы ынтымақтастықтың нығаюы дәстүрлі достық Қазақстан–Нидерланды қатынастарын нақты мазмұнмен толықтырып, жаңа белестерге жеткізеді.