DGB Group компаниясының бас директоры Селвин Дуйвестейн Арал аумағында экологиялық жобаларды жүзеге асыру мақсатында Қазақстанға келді

Гаага, қараша 2024 жыл — 2024 жылғы 25-28 қараша аралығында DGB Group нидерландтық компаниясының бас директоры Селвин Дуйвестейн Қазақстанға жұмыс сапарымен келді. Сапар барысында ол Қазақстан Республикасының Экология министрі Ерлан Нысанбаевпен, «Samruk-Kazyna Invest» АҚ, «KAZAKH INVEST» АҚ өкілдерімен кездесулер өткізді.

Талқылаудың басты назары Арал аумағының экожүйесін қалпына келтіру бойынша ауқымды жобаны жүзеге асыруға арналды. Жоба Арал теңізінің құрғаған аймақтарында ағаш отырғызуды көздейді, бұл топырақты тұрақтандыруға, құм-тұзды дауылдарды азайтуға және аймақтағы экологиялық жағдайды жақсартуға көмектеседі. Алғашқы ағаш отырғызу 2025 жылдың көктеміне жоспарланған.

Ағымдағы жылдың мамыр айында Нидерланд Премьер-Министрі Марк Рюттенің Қазақстанға сапары қарсаңында Қызылорда облысының әкімдігі мен «Қазақстанның биоәртүрлілігін сақтау қоры» және DGB Group компаниясы арасында аталған жобаны жүзеге асыру туралы Меморандумға қол қойылды.

Жоба аясында DGB Group халықаралық нарықта қолжетімді көміртегі несиелерін шығаруды жоспарлап отыр. Бұл несиелер қоршаған ортаны қорғау жөніндегі бастамаларға инвестиция тартудың, сондай-ақ бүкіл әлемдегі компаниялардың көміртегі ізінің орнын толтырудың маңызды құралы болады.

Селвин Дёйвестейн атап өткендей: «Қазақстан жаһандық экологиялық мәселелерді шешуге жауапкершілікпен қараудың үлгісін көрсетіп отыр. Біз Арал ауданының экожүйесін қалпына келтіруге үлес қосып жатқанымызды мақтан тұтамыз. Бұл жоба Орталық Азияның тұрақты болашағына қол жеткізудегі маңызды қадам болады».

Экология министрі Е.Нысанбаев өз сөзінде: «Қазақстан экологиялық саладағы халықаралық ынтымақтастықты жоғары бағалайды. Біз DGB Group-пен бірлесіп жұмыс істеу аймақ пен оның тұрғындары үшін айтарлықтай нәтиже беретініне сенімдіміз».

DGB Group туралы

DGB Group – биоалуантүрлілікті қалпына келтіруге, декарбонизация жобасын әзірлеуге және көміртегі несиесін өндіруге маманданған жетекші еуропалық компания. Компания тұрақты даму және қоршаған ортаны қорғау шешімдерін ұсыну үшін бүкіл әлем бойынша үкіметтермен және ұйымдармен белсенді жұмыс істейді.