Вестландта қазақстандық-нидерландтық дөңгелек үстел өтті
Қазақстан Республикасының Сыртқы істер министрлігі, Қазақстан Республикасының Нидерланд Корольдігіндегі Елшілігі, KAZAKH INVEST, нидерланд тарапынан World Horti Center және Greenhouse Delta бірлесіп, Қазақстан-Нидерланд дөңгелек үстелін ұйымдастырды. Налдвейк қаласындағы "World Horti Center" халықаралық жылыжай бау-бақша орталығында өткен дөңгелек үстелге ҚР Мемлекеттік органдары мен бизнес-қоғамдастығының өкілдері қатысты.
Дөңгелек үстел ауыл шаруашылығы және жылыжай шаруашылығы саласындағы бірлескен білім беру жобаларына, осы салалардағы соңғы инновацияларға және оларды жүзеге асыру тәсілдеріне қатысты мәселелер мен идеяларды талқылау үшін ұйымдастырылды. Талқылау Фредерик Воссенаардың сөзімен басталды. Ол Қазақстан мен Нидерланд билігінің бірлескен жобаларды құрудағы ынтымақтастығы қаншалықты дамығанын атап өтті. Жылыжайлар Нидерландтағы бәсекеге ең қабілетті секторлардың бірі болып табылады және енді олар қазақстандық фирмалармен білім алмаса алады.
Сонымен қатар, ауыл шаруашылығы вице-министрі Әбілқайыр Тамабек ынтымақтастықтың маңыздылығына тоқталды. Ол ауыл шаруашылығы, табиғат және азық-түлік сапасы министрлігінің Бас хатшысы Ян кес Готпен кездесуде Нидерланд ауыл шаруашылығы, табиғат және азық-түлік сапасы министрлігі мен Қазақстан ауыл шаруашылығы министрлігі арасында ведомствоаралық жұмыс тобын құру туралы келісімге қол жеткізілгенін хабарлады. Тамабек бұл барлық қатысушылардың экономикалық өсуіне әкелетін қарым-қатынастарымызды дамытудағы маңызды қадам деп санайды.
Қазақстанның Нидерландтағы Елшісі Асқар Жұмағалиев дөңгелек үстел ынтымақтастығымызды нығайту және жаңа мүмкіндіктерді іздеу мақсатында ұйымдастырылғанын атап өтті. Делегация мүшелері Нидерланд бизнесінің озық тәжірибесімен танысты. Жергілікті ауыл шаруашылығы жоғары тиімділігі және инновациялық дағдысымен әйгілі. Нәтижесінде,, Нидерланды АӨК саласында әлем бойынша жетекші орынға жетуге мүмкіндік алды. Бұл тәжірибе қазақстандық сарапшылардың білімімен үлесіп, Қазақстанда бірлескен кәсіпорындар құруға мүмкіндік береді.
Баяндамалардан кейін бизнес өкілдерінің бірқатар презентациялары болды. "World Horti Center" директоры Пак Ван Холштейн WHC рөлін әртүрлі серіктестер кездесіп, ағымдағы және алдағы мәселелерді бірге шеше алатын орталық ретінде белгіледі. Оған қоса, Dutch greenhouse Delta бас директоры Мирям Букестин "Алтын үшбұрыш" тұжырымдамасын енгізді. Мемлекеттік және жеке субъектілердің білім беру мекемелерінің ынтымақтастығының арқасында осындай жоғары табысқа қол жеткізілді.
ЕҚҚДБ өкілі Кес Коэлман қонақтарға Орталық Азиядағы көптеген жаңа кәсіпорындар туралы және аймақты жергілікті ауылшаруашылық дақылдарымен қамтамасыз ету үшін кеңейту жоспарлымен бөлісті. Қазақстан жылыжайлар Одағының Бас директоры Әсел Таубаева ханым саланы жаңа биіктерге көтере отырып, ынтымақтастықта және бір-біріне көмектесу үшін Қазақстандағы жылыжай шаруашылықтарын біріктіру жөніндегі жоспарларын атап өтті.
«Өткен жылы Қазақстан ТШИ қорын 28 миллиард АҚШ долларымен толтырды, оның 8 млрд доллары Нидерландыдан келді», - деп атап өтті, ҚР Сыртқы істер министрлігі Инвестициялар комитеті төрағасының орынбасары Ерлан Зейнешев. Қазақстанның орасан зор экономикалық әлеуетін пайдалану үшін экономиканың өндірістік және ауыл шаруашылығы секторларына көбірек инвестиция құйылып жатыр. Сондай-ақ Зейнешев ТМТМ арқылы логистикалық тізбектерді ұйымдастыруда ҚР әлеуетін таныстырды. Food Ventures, UPOV және Royal GD компанияларының өкілдері қосымша презентациялар жасады, онда олар Қазақстанның өсімдік және мал шаруашылығын дамытуға арналған оптимистік болжамдарын баяндады.
Сонымен қатар, қатысушылар пікірталастарға қатысты тақырыптар бойынша қажетті білім алды. Олар жеткізу тізбегін құру және қосымша құн, жылыжай саласындағы соңғы зерттеулер мен білім, үй шаруашылығы және энергияны үнемдеу, жарықтандыру технологияларымен танысты. Verify компаниясы өсімдіктерді аурулар мен зиянкестерден қорғау саласындағы инновацияларын көрсетті. Қысқа презентацияда Viscon автоматтандырылған өсіру технологияларына тоқталды. Жылыжай технологиясының жетекші жеткізушісі Ridder суды үнемдеу және автономды дақылдарды өсіру үшін робототехниканы пайдалану бойынша инновацияларымен бөлісті.
Дөңгелек үстел Вестленд муниципалитетінде экскурсия барысында өткен нетворкингпен аяқталды, сапар барысында делегация бүкіл аймақта орналасқан жылыжайларды көре алды. Дөңгелек үстелдің қатысушылары ұйымдастырылған сапардың маңыздылығы мен ақпараттылығын атап өтті. Бұл оларға жақын болашақта пайдалы болатын маңызды байланыстар орнатуға мүмкіндік берді.