Қазақстан Елшілігі Еуропалық қауіпсіздікті зерттеу орталығының студенттері мен мамандарын қарсы алды

Қазақстанның Нидерландтағы Елшілігі Орталық Азиядағы соңғы үрдістерді талқылау үшін Еуропалық қауіпсіздікті зерттеу орталығының (CEES) сарапшылары мен Гронинген университетінің студенттерін қабылдады.

 

Іс-шараның бастамашысы Гронинген қаласында орналасқан қауіпсіздік және тиімді басқару жөніндегі тәуелсіз зерттеу және оқыту институты TSIEB болды. Ол 1993 жылы құрылғаннан бері көптеген саясатқа бағытталған зерттеулер мен шолулар шығарды. Атап айтқанда, Орталық Азиядағы зерттеулерді ілгерілету, еуропалық сыртқы саясат және жергілікті саяси оқиғалар тақырыптары бойынша жұмыс құжаттарын жасау үшін Еуропа мен Орталық Азия мониторинг бағдарламасын (EUCAM) құрды.

 

Қазіргі уақытта EUCAM Орталық Азия бойынша сарапшылық лекциялар сериясын өткізуде. Олар жергілікті академиктермен, сондай-ақ еуропалық зерттеушілермен 10 сессия өткізді. Кездесу барысында Елші Асқар Жұмағалиев елдеріміз арасындағы қалыптасқан экономикалық байланыстар мен білім беру саласындағы ынтымақтастықты талқылады. Сонымен қатар, Қазақстанның Тәуелсіздік алған 30 жыл ішінде саяси, экономикалық және әлеуметтік салаларын реформалаудағы жетістіктері мен табыстары, сондай-ақ мемлекеттік жастар саясатын қолдау және жүзеге асыру бойынша қабылданған шаралар туралы хабардар етті.

 

Дәріс тыңдаушылары мен Елшілік қызметкерлері қызу талқылаулар өткізді. Оған қоса, Қазақстан мен оның мәдениетіне одан әрі қызығушылық танытты. Олар басқа да осындай іс-шараларға қатысуға дайындығын атап өтті.