Порт қаласының мэриясында Қазақстан мен Роттердам арасындағы ынтымақтастықтың жаңа перспективалары талқыланды

Қазақстанның Нидерландтағы Елшісі Асқар Жұмағалиев Роттердам қаласының мэрі Ахмед Абуталебпен кездесу өткізді.

Кездесу барысында Елші Жұмағалиев сұхбаттасты Қазақстанның Украинадағы дағдарысқа байланысты ұстанымы, сондай-ақ Мемлекет басшысы Қ.Тоқаевтың украин тарапына гуманитарлық көмек көрсету туралы шешімі және оның Украина Президенті В. Зеленскиймен болған келіссөздер қорытындысы бойынша қабылданған медиатор ретінде әрекет етуге дайындығы туралы хабардар етті.

Сондай-ақ, тараптар негізі 2014 жылғы наурызда Елбасының Нидерландқа ресми сапарынан кейін 2015 жылы қаланған Роттердамдағы Астана алаңын (Astanaplein) дамыту перспективалары туралы пікір алмасты.

Сұхбаттастар мультимәдениеттілік мәселесінде Алматы мен Роттердамның ұқсастығын атап өтті. Осы тұрғыда мәдени ынтымақтастыққа жаңа серпін беруге келісті, сондай-ақ белгіленген байланыстарды нығайту үшін қала басшылары деңгейінде сапарлармен алмасу мүмкіндіктерін талқылады.

Роттердам қаласы Нидерландтың экономикалық орталығы болып табылады. Роттердамның бейресми атауы - "Еуропаға шығар қақпа". Еуропа елдеріне арналған бірінші кезектегі қажетті тауарлар (энергия тасымалдаушылар, жүк, өнімдер және т.б.) порт инфрақұрылымы арқылы өтетіндіктен, қала стратегиялық маңызды логистикалық объект болып табылады. Роттердам порты ІЖӨ-нің шамамен 6% (50 млрд.евро) өндіреді.