Нидерландтағы Қазақстан елшілігінің өкілдері Даңқ алаңында Екінші дүниежүзілік соғыс батырларын еске алды

Жеңіс күнін тойлау аясында Қазақстанның Нидерландыдағы Елшілігінің өкілдері Екінші Дүниежүзілік соғыс кезінде Нидерландыда соғысқан кеңес жауынгерлері жерленген Даңқ алаңына барды.  Іс-шараға ТМД елдері елшіліктерінің өкілдері, НК Қорғаныс министрлігі мен аймақтық әкімшіліктің өкілдері қатысты.

Елшіліктің қызметкерлері гүл шоқтарын қойып, фашизмге қарсы күресте және Голландияны азат етуде жанын қиған батырлардың рухына тағзым етті.  Жалпы алғанда, 865 батырдың 100-і Орталық Азияның тумалары деп саналады.

 

Анықтама үшін: 1975 жылы 4 мамырда Даңқ алаңында обелиск орнатылды.  Ескерткіш КСРО-да ақ мәрмәрдан жасалған.  Бұл «Батырларға даңқ. 1941-1945 жылдар аралығында неміс басқыншыларымен шайқаста қаза тапқан Кеңес Армиясының сарбаздары» деген жазуы бар он метрлік колонна.  Даңқ алаңында 865 кеңес солдаты мен офицері жерленген.