Қазақстанда картоптың гибридті тұқымдарының өндірісі орналастыру мүмкіндігі Нидерландта талқыланды

Гаага - Нидерланд Корольдігіндегі Қазақстан Республикасының Елшілігі KazakhInvest өкілдерімен бірге Solynta компаниясымен және Қазақстан Республикасы Ауыл шаруашылығы министрлігінің, Картоп Ассоциациясының, Қазақстанның көкөніс өсірушілері, Биология және биоәртүрлілік институты және Қазақ бау-бақша шаруашылығы ғылыми-зерттеу институтының өкілдерімен кездесу өткізді.

Кездесу барысында тараптар Қазақстанда картоптың гибридті тұқымдардың өндірісін, сондай-ақ оларды дәстүрлі тұқымдық картоппен салыстырғанда пайдаланудың артықшылықтарын талқылады.

Карл Рентес мырза қатысушыларды Solynta қызметімен таныстырды және гибридті өсіру технологиясы, дәстүрлі селекцияға қарағанда, пайдалы қасиеттерді тезірек біріктіруге мүмкіндік беретіндігін атап өтті. Компания екі жыл ішінде картоптың кеш карит ауруына төзімділігі үшін екі генді оған сезімтал гибридке енгізуге қол жеткізді, бұл қазіргі таңдаумен он бес жылдан астам уақытты алады. Компания өкілі дәстүрлі тұқымдық картопқа қарағанда картоп тұқымын тасымалдау оңай және өндірісі тез екеніне назар аударды. Тұқымнан өсіру кезінде өсімдік ауруларының қаупі айтарлықтай аз болады.

Қазақстандық тарап Solynta компаниясымен ынтымақтастыққа қызығушылық білдірді. Жобаны іске асыру үшін тұқымға арналған нормативтік-рұқсат құжаттарына қатысты мәселелер пысықталып, сынақ өткізуге қолайлы аймақ анықталады.