Қазақстан Республикасы Парламенті Мәжілісі депутаттарының кезекті сайлауында дауыс беру туралы

Құрметті Қазақстан Республикасы азаматтары!

2021 жылғы 10 қаңтарда (жергілікті уақыт бойынша 07:00-ден 20:00 дейін) Қазақстан Республикасының Гаагадағы Елшілігі жанындағы № 282 сайлау учаскесінде Қазақстан Республикасы Парламенті Мәжілісі депутаттарының кезекті сайлауында дауыс беру өтеді.

Қазақстанның 18 жасқа толған және белсенді құқығына ие әрбір азаматының ҚР Парламенті Мәжілісі депутаттарын сайлауға конституциялық құқығы бар.

Сіздің аты-жөніңіздің сайлаушылар тізімінде болуы осы құқығыңызды жүзеге асыруға кепілдікті береді.

Қазақстан Республикасының Гаагадағы Елшілігі жанындағы № 282 сайлау учаскесіндегі сайлаушылар тізіміне болу елінде уақытша немесе тұрақты тұратын және қолданыстағы Қазақстан Республикасы азаматының паспорты бар барлық азаматтар енгізіледі.

Құрметті сайлаушылар!

Сіздерді сайлаушылар тізіміне енгізу үшін Нидерланд Корольдігі аумағындағы әрбір азамат өзіне қатысты деректерді (Аты-жөні, ЖСН, тұратын мекенжайы, байланыс деректері) consul.hague@mfa.kz электрондық мекенжайға «Сайлау-2021» белгісімен алдын ала жіберу қажет.

Қосымша сұрақтарыңыз болған жағдайда келесі телефон нөмірлеріне хабарласуды сұраймыз: +31-70-363-47-57; +31-70-427-22-20

Қосымша ақпаратты Қазақстан Республикасы Орталық сайлау комиссиясының сайтынан алуға болады: https://www.election.gov.kz/kaz/

Құрметпен,

№ 282 учаскелік сайлау комиссиясы