Елші Оңталап Оңалбаевтың Абдолхусейн Хосропанахпен кездесуі

2024 жылғы 18 тамызда Қазақстан Республикасының Иран Ислам Республикасындағы Елшісі Оңталап Оңалбаев Иран Ислам Республикасында мәдениет, білім және ғылым салаларындағы мемлекеттік саясатты айқындайтын негізгі құрылым – ИИР Мәдени революциясы Жоғарғы кеңесінің хатшысы Абдолхусейн Хосропанахпен кездесті.

Кездесуде екі елдің мәдениет, білім және ғылым салаларындағы байланыстарын одан әрі дамыту жолдары талқыланды.

Сонымен қатар, Шығыс әлемінің данышпаны Әл-Фараби мұрасын зерттеу, насихаттау және ғылыми айналымға енгізу жұмыстарын жандандыру мақсатында Фараби Бірлескен қорын құру және иран тарапының қолдауымен Қазақстан аумағында Фараби кесенесін салу мәселелері әңгіме болды.