Шет елге шығатын ҚР азаматтарына арналған жадынама

Визалық сұрақтар:

• Қазақстан мен Германия арасында визалық режим орнатылған (ҚР дипломатиялық паспорттарының иелері үшін ГФР-ға  жалпы "180" күнтізбелік күн ішінде "90" күнтізбелік күнге дейінгі мерзімге кіру визасыз жүзеге асырылады)
• ҚР азаматтары үшін болу мерзімі мемлекеттік шекарадан өткен сәттен бастап "90" күнтізбелік күнді, яғни "180" күнтізбелік күн ішінде жалпы "90" күнтізбелік күнді құрайды.
• Қазақстан Республикасының жарамды жол жүру құжаттары: Қазақстан Республикасы азаматының паспорты.

Паспорттың жарамдылығы:

• Паспорттың жарамдылық мерзімі сапар аяқталғаннан кейін кем дегенде 6 айға дейін жарамды болу керек..

Кедендік бақылау:

• Тиісті ақпаратпен келесі сілтеме арқылы танысуға болады: неміс тілінде ГФР-дың кедендік ережелері; ағылшын тілінде ГФР-дың кедендік ережелері

Медициналық сақтандыру:

• Медициналық сақтандыру полисін сатып алуы сапар кезінде жазатайым оқиғадан сақтандыруға және сақтандыру жағдайы басталған кезде күтпеген медициналық шығындардан аулақ болуға мүмкіндік береді.

    «Туристі міндетті сақтандыру туралы»

Эпидемиялық ахуал:

• Шектеулер жоқ

Қалыптасқан тәртіп нормалары:

• ГФР-да болған кезде Сізге оның заңдары қолданылады, сіз оны қатаң сақтауға міндеттісіз, болу елінің заңдарын білмеу Сізді жауапкершіліктен босатпайды.
• Жалпы қабылданған этика мен мораль нормаларын ұстаныңыз, мінез-құлқыңызды қоршаған ортаға сәйкес реттеңіз, жергілікті әдет-ғұрыптар мен дәстүрлерді сақтаңыз.
• Неміс тіліндегі негізгі сөздер мен сөз тіркестерін білу Сіздің елде болуыңызды жеңілдетеді, сонымен қатар жергілікті тұрғындар оны құптайды.
• Ел туралы қосымша ақпаратпен танысыңыз: саяси жағдай, климаттық жағдайлар, заңдар мен ұлттық дәстүрлер, қоғамдық және басқа жерлерде мінез-құлық ерекшеліктері.

Пайдалы ақпарат:

• Мобильді карталарды алдын ала орнату – Google maps.
• Электрондық төлем жүйелерінің ерекшеліктері – Apple pay, қолма-қол ақша.
• Банк карталарының ерекшеліктері-Visa, Mastercard.
• SIM картасын сатып алу немесе роумингті қосу қажеттілігі.

Шетелге оқуға, жұмысқа немесе тұрақты тұруға барған жағдайда

• Құжаттарыңызды алдын ала апостиль қою керек. Бұл, ең алдымен, білім туралы құжаттарға, АХАТ органдары берген куәліктерге, мүліктік қатынастарға және әлеуметтік қамсыздандыру мәселелеріне қатысты құжаттарға қатысты.

Консулдық есеп туралы:

• Оқу, жұмыс немесе тұрақты тұру мақсатында шет мемлекетке келген қазақстандық азаматтарға жақын жердегі қазақстандық дипломатиялық өкілдікте немесе консулдық мекемеде консулдық есепке тұру ұсынылады.
• Консулдық есепке қою Қазақстанға бармай-ақ көптеген мәселелерді шешуге мүмкіндік береді (сайлау мен референдумдарға қатысу, паспортты ресімдеу, азаматтық хал актілерін тіркеу және т.б.), сондай-ақ болу мемлекетінде әскери іс-қимылдар, жаппай тәртіпсіздіктер, дүлей зілзалалар туындаған жағдайда сіздің эвакуацияңызды жеңілдетеді.

Құқық қорғау органдарымен ұсталған жағдайда сіздің іс-әрекетіңіз:

• Күтпеген жағдайлар туындаған жағдайда (жергілікті құқық қорғау органдарының ұстауы, басқа адамдар тарапынан қорқыту, жол-көлік оқиғалары және т.б.) Сіз болу мемлекетінде қазақстандық консулдық мекеменің қызметкерімен кездесуді талап етуге құқығыңыз бар.
• ҚР консулдық мекемесінің қызметкерлері болмаған кезде шет тілінде қандай да бір Хаттамаларға және өзге де құжаттарға қол қоймаңыз.