Қазақстан Елшісі Болат Иманбаев Арменияның Еңбек және әлеуметтік мәселелер министрі Нарек Мкртчянмен кездесті

Ереван, 08 қазан 2021 ж. - Елші Болат Иманбаевтың Еңбек және әлеуметтік мәселелер министрі Нарек Мкртчянмен кездесуінде еңбек және әлеуметтік саладағы қазақстан-армян ынтымақтастығы мәселелері талқыланды.

Министр Арменияның аталған бағыттарда Қазақстанмен өзара іс-қимылды жандандыруға және тәжірибе алмасуға мүдделілігін білдіріп, ҚР-дың пандемия кезеңінде халықты әлеуметтік қорғау, еңбек және жұмыспен қамту мәселелеріндегі саясаты өзінің тиімділігін көрсеткенін атап өтті.

Тараптар 2021 жылғы 26 мамырдағы Экономикалық ынтымақтастық жөніндегі қазақстан-армян үкіметаралық комиссиясының 8-ші отырысы хаттамасының орындалуын және Қазақстан Республикасының Еңбек және халықты әлеуметтік қорғау министрлігі мен Армения Республикасының Еңбек және әлеуметтік мәселелер министрлігі арасындағы әлеуметтік-еңбек саласындағы ынтымақтастық ниеттері туралы Меморандумға қол қою сұрақтарын талқылады.

Елші армян тарапын ҚР Президенті Қ.Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауының негізгі қағидаларымен, сонымен қатар ҚР-дың әлеуметтік-экономикалық және саяси модернизациясының өзекті бағдарламалары мен Қазақстанның халықаралық бастамалары туралы хабардар етті.