Қазақстанның Елшісі Болат Иманбаев Армения Республикасының Президенті Армен Саркисянға сенім грамоталарын тапсырды.

Ереван, 2021 жылғы 17 наурыз –Қазақстанның Елшісі Болат Иманбаев Армения Республикасының Президенті Армен Саркисянға сенім грамоталарын тапсырды.

Салтанатты рәсімнен кейін өткен кездесу барысында тараптар сауда-экономикалық және мәдени-гуманитарлық өзара іс-қимылды кеңейту қажеттілігіне баса назар аудара отырып, қазақстан-армян ынтымақтастығының басым бағыттарын егжей-тегжейлі талқылады.

Коронавирустық пандемиядан туындаған қолайсыз жағдайға қарамастан, 2020 жылы екі есе өскен сауданың оң динамикасына өзара қанағаттану байқалды. Іскерлік байланыстарды дамыту және инвестициялар, қаржы және жоғары технологиялар салаларында бірлескен жобаларды әзірлеу бойынша бірлескен күш-жігерді жалғастырудың маңыздылығы атап өтілді. Ағымдағы жылы сауда-экономикалық ынтымақтастық жөніндегі бірлескен үкіметаралық комиссияның отырысын өткізу жөніндегі жоспарлар талқыланды.

Елші сұхбаттасушыны Мемлекет басшысының елді одан әрі демократияландыруға бағытталған жаңа реформаларымен,экономикалық жаңғыртудың өзекті бағдарламаларымен және ҚР халықаралық бастамаларымен таныстырды.

Өз кезегінде Армения Президенті еліміздің жетістіктеріне, сондай-ақ ҚР Президенті Қ.Тоқаевтың бастамасымен қолға алынған саяси реформаларға жоғары баға берді. А.Саркисян қазақстандық қоғамның бірлігі мен ұлттық келісім моделінің бірегейлігін және ҚР Тұңғыш Президенті Н.Назарбаевтың оны табысты іске асырудағы негізгі рөлін ерекше атап өтті.Ол халықаралық саяси диалогтың сенімді деңгейін және қолда бар әлеует пен қос өзара іс-қимылдың перспективаларын атап өтті, сондай-ақ ҚР Жоғары тұрған басшылығына құттықтау сөздері мен ізгі тілектерін жеткізді.

Әңгіме соңында А.Саркисян Елшіні қызметіне ресми кірісуімен құттықтап, дипломатиялық миссияны іске асыру ісінде табыс тіледі.