Екатеринбург, 2023 жылғы 17 қараша – Урал федералдық университетінде ҚР Екатеринбургтегі Бас консулы Ж. Мамутбековтың Уралдың жоғарғы оқу орындарында оқып жатқан қазақстандық студенттермен кездесуі өтті.
Кездесу барысында Ж.Мамутбеков аудиторияны ҚР Президенті Қасым-Жомарт Тоқаевтың Қазақстан халқына Жолдауының негізгі ережелерімен таныстырды. Жиналғандардың назарын сапалы білім алу қажеттілігіне аударып, мемлекет жастарды оқыту және одан әрі дамыту үшін қолдау көрсетуді және қолайлы жағдайлар жасауды жалғастыратынына сендірді.
Студенттерге жергілікті заңдарды сақтаудың, Ресейдің дәстүрлері мен әдет-ғұрыптарын құрметтеудің маңыздылығын, сондай-ақ студенттердің өздеріне зиян келтіріп, Қазақстанның имиджіне нұқсан келтіретін кез келген оқиғаларға жол бермеудің маңыздылығын еске салды.
Студенттерді уақытша консулдық есепке тұруға шақыра отырып, ол өз азаматтарын шетелде консулдық қамтамасыз етудің бұл түрі көптеген мемлекеттердің тәжірибесінде бар екенін және ешқандай азаматтың құқықтары мен бостандықтарына қол сұғылмайтынын түсіндірді.
Сонымен қатар, кездесу барысында 2024 жылы бірлескен мәдени-гуманитарлық іс-шараларды өткізу бойынша пікір алмасты.