Екатеринбург, 2023 жылғы 14 қараша - Қазақстанның мәдениетімен таныстыру мақсатында ҚР Бас консулдығына Екатеринбург қаласының № 212 гимназиясының 5 сынып оқушылары шақырылды.
Жас қонақтар үшін қазақ халқының салт-дәстүрлері, мәдениеті, музыкалық аспаптары мен тұрмысы туралы презентация өткізілді. Қазақтың ұлттық костюмдерімен және әшекейлерімен таныстырды, сондай-ақ ұлттық костюмдерді, әшекейлерді киіп көруге, домбырада ойнауға мүмкіндік берді.
Кездесу ұлттық тағамдармен және қазақша шәйді кеседен ішумен аяқталды.
Қазақ халқының қонақжайлылық дәстүрі бойынша кездесу соңында әр оқушы тәтті сыйлық алды.