Қазақстан Елшісінің Хатлон облысына жұмыс сапары туралы

2023 жылғы 15 қарашада Қазақстан Республикасының Тәжікстан Республикасындағы Төтенше және Өкілетті Елшісі Уалихан Төреханов Хатлон облысының Бохтар қаласына сауда-экономикалық өзара әрекеттесуді белсендіру мәселесі бойынша өңір басшылығымен келіссөздер жүргізу мақсатында жұмыс сапарымен барды, сондай-ақ Хатлон облысының бизнес қауымдастығымен кездесулер өткізді.

Хатлон облысының Төрағасы Давлати Саидпен ауыл шаруашылығы өнімдерін қайта өңдеу саласындағы кооперация, қазақстандық компаниялар мен өңір кәсіпкерлері арасындағы байланыстарды ретке келтіру мәселелері, сондай-ақ Мемлекет басшыларының 2023 жылғы 3-4 мамырда өткен Тәжікстан Республикасының Президенті Эмомали Рахмонның Қазақстан Республикасына мемлекеттік сапарының қорытындылары бойынша берген тапсырмаларының жүзеге асыру жолдары талқыланды.

Хатлон облысы кәсіпкерлерімен кездесу шеңберінде қазақстандық дипломат қазақ-тәжік сауда-экономикалық өзара әрекеттесуінің ахуалы мен әлеуеті туралы ақпараттандырды. Екіжақты сауда айналымын әрі қарай ұлғайту мақсатында «KazakhExport» компаниясының қаржы-сақтандыру құралдарын пайдалана отырып, Қазақстан өндірушілерінің Тәжікстанға экспортын 85 тауар түрі бойынша 186 млн. АҚШ долл. астам сомаға ұлғайтуға дайын екені атап өтілді.

Сондай-ақ, Елші Бохтар қаласындағы өнеркәсіптік аймағына барып, сол жерде өңірдің өнеркәсіп орындарының жұмысымен танысты.