Душанбеде «Қазақстан-Тәжікстан: берік достықтан стратегиялық әріптестік пен бірлескен өркендеуге дейін» тақырыбындағы дөңгелек үстел өтті

2023 жылғы 20 сәуірде Душанбеде Қазақстанның Тәжікстандағы Елшілігі, ШЫҰ достық және ынтымақтастық орталығы және Тәжікстан Республикасы Президентінің жанындағы Мемлекеттік басқару Академиясы ұйымдастырған «Қазақстан-Тәжікстан: берік достықтан стратегиялық әріптестікке және бірлескен өркендеуге» тақырыбындағы дөңгелек үстел өтті.

Іс-шараға Қазақстанның Елшісі У.Төреханов, Тәжікстан СІМ басшылығы, дипломатиялық корпус өкілдері, Тәжікстанның жетекші сарапшылары мен саясаттанушылары, сондай-ақ Қазақстан Республикасы Президентінің жанындағы Қазақстандық стратегиялық зерттеулер институтының өкілдері қатысты.

Іс-шараға қатысушылар Қазақстан мен Тәжікстан басшылары арасындағы өзара сенімді қарым-қатынастар, екіжақты форматтағы саяси диалогтың жоғары деңгейі және халықаралық пен өңірлік ұйымдар шеңберіндегі мәселелер бойынша ұстанымдардың келісімділігі туралы ерекше баяндап, қазақ-тәжік стратегиялық әріптестік пен достық қарым-қатынастарының үдемелі сипатын атап өтті.

Сауда-экономикалық қызметтің оң динамикасы, мәдени-гуманитарлық бағыттағы ынтымақтастықтың жандануы, сондай-ақ екі ел арасындағы өзара іс-қимылдың барлық спектрі бойынша тиімді байланыстарды нығайту жөніндегі мақсаттар мен перспективалар атап өтілді.

Дөңгелек үстелге қатысушыларға бейнефильм ұсынылып, Қазақстан мен Тәжікстанның екіжақты қарым-қатынастары туралы фотокөрме ұйымдастырылды.