Қазақстан Елшісі Уәлихан Төреханов Тәжікстанның БАҚ өкілдерімен кездесті

2022 жылғы 23 маусымда Душанбеде Қазақстанның Тәжікстандағы Елшісі Уәлихан Төреханов Тәжікстанның бұқаралық ақпарат құралдарының өкілдерімен, оның ішінде үкіметтік және үкіметтік емес журналдарының, газеттері, интернет-порталдары мен радиостанцияларының журналистерімен кездесті.

Іс-шара барысында Елші У.Төреханов қатысушыларды Қазақстан Республикасының Конституциясына өзгерістер мен толықтырулар енгізу бойынша өткен референдум туралы хабардар етті, сондай-ақ қазақ-тәжік ынтымақтастығының ағымдағы жай-күйі мен перспективаларымен, сауда, энергетика, өнеркәсіп, су ресурстарын тиімді пайдалану, туризм, мәдениет, білім беру және гуманитарлық өлшем салаларындағы қатынастарды жан-жақты нығайтумен таныстырды.

Қатысушылар екі елде болып жатқан оқиғалар туралы ақпарат алмасу бойынша өзара іс-қимылды нығайту мақсатында осындай кездесулерді тұрақты негізде өткізуге келісті.