Қазіргі уақытта Қазақстан мен Әмірліктер арасында қол қойылған мемлекетаралық, үкіметаралық және ведомствоаралық келісімдер мен басқа да құжаттардың саны 100-ден асты. Шарт-құқықтық негіз құрайтын маңызды құжаттар ретінде Сауда-экономикалық ынтымақтастық туралы, Инвестицияларды ынталандыру және өзара қорғау туралы, Табысқа салынатын салықтарға қатысты қосарланған салық салуды болдырмау және салық салудан жалтаруға жол бермеу туралы, Қылмыскерлерді ұстап беру туралы, Азаматтық және коммерциялық істер бойынша құқықтық көмек көрсету туралы және т.б. келісімдерді атауға болады.