Страницы

Статья

ҚР азаматтары үшін қайтып оралуға арналған куәлікті ресімдеу

Қайтып оралуға арналған куәлікті ресімдеу (ережелерге сілтеме)

Қайтып оралуға арналған куәлік– иесінің жеке басын куәландыратын және Қазақстан Республикасына бір реттік келу құқығын растайтын құжат.

Қайтып оралуға арналған куәлікті Қазақстан Республикасының шетелдердегі мекемелері:

1) Қазақстан Республикасының азаматтарына – олар Қазақстан Республикасынан тыс жерлерде болған уақытта Қазақстан Республикасы азаматының паспортын, Қазақстан Республикасы азаматының жеке куәлігін, Қазақстан Республикасының халықаралық шарттарында және келісімдерінде көзделген жағдайларда, Қазақстан Республикасының қызметтік немесе дипломатиялық паспортын жоғалтқан не олардың қолданылу мерзімі өткен жағдайда;

2) Қазақстан Республикасының кәмелетке толмаған азаматтарына – олар Қазақстан Республикасынан тыс жерлерде туған жағдайда;

3) Қазақстан Республикасында тұрақты тұратын азаматтығы жоқ адамдарға – олар Қазақстан Республикасынан тыс жерлерде болған уақытта азаматтығы жоқ адамның куәлігін жоғалтқан жағдайда;

4) босқындарға – олар Қазақстан Республикасынан тыс жерлерде болған уақытта жол жүру құжатын жоғалтқан жағдайда;

5) Қазақстан Республикасының азаматтарына және Қазақстан Республикасында тұрақты тұратын, Қазақстан Республикасына келу үшін құжаттары жарамсыз не Қазақстан Республикасына келуге арналған құжаттарын жоғалтқан азаматтығы жоқ адамдарға – олар Қазақстан Республикасына шығарып жіберілген, Қазақстан Республикасына ұстап берілген не Қазақстан Республикасы ратификациялаған реадмиссия туралы халықаралық шартқа сәйкес Қазақстан Республикасына берілген жағдайларда;

ҚҰЖАТТАРЫНЫҢ ТІЗІМІ

1) Өтініш ( жүктеу);

2) шет мемлекеттің құзыретті органы берген, жеке басын куәландыратын құжаттың жоғалғаны туралы өтінішпен жүгіну фактісін растайтын құжат (жоғалған жағдайда) егер құжат араб тілінде болған жағдайда оны мемлекеттік немесе орыс тілдерге аударма (legal translation) қажет; сондай-ақ құжатта QR коды болуға тиіс, ол болмаған жағдайда полиция бөлімінің қолымен және мөрімен куәландыру . Егер жаңа туылған бала болса, онда оның туу туралы куәлігі жергілікті медициналық (БАӘ СІМ-де заңдастырылған және Дубай қаласындағы ҚР Бас консулдығында) заңдастырылған (сілтеме) болу керек және оған мемлекеттік не орыс тіліне аударма (legal translation) қажет

3) өлшемі 3х4 см түрлі-түсті екі фотосурет;

4) консулдық алымның төленгенін растайтын құжаттың түпнұсқасы;

5) жеке басын куәландыратын құжаттардың (болған кезде) бірінің түпнұсқасы немесе цифрлық құжаттар сервисі арқылы берілетін жеке басты куәландыратын электронды құжат, ал ол болмаған жағдайда осы Қағидаларға 1-қосымшаға сәйкес толтырылған Сауалнама-өтініш;

6) жынысының өзгеру фактісін растайтын шет мемлекеттің медициналық мекемесі берген тиісті құжат тапсырылады (жынысын өзгерткен жағдайда).

МЕМЛЕКЕТТІК ҚЫЗМЕТ КӨРСЕТУ МЕРЗІМІ

2 жұмыс күні, жеке басты куәландыратын құжаттардың бірінің түпнұсқасы болған кезде;

10 жұмыс күні, жеке басты куәландыратын құжаттардың бірінің түпнұсқасы болмаған кезде.

КОНСУЛДЫҚ АЛЫМДЫ ТӨЛЕУ

10 $ / 37 дирхам

КЕЗЕКТІ ОНЛАЙН БРОНДАУ СІЛТЕМЕСІ

https://www.gov.kz/memleket/entities/mfa-dubai/online-booking?directionId=6155&lang=kk

КОНСУЛДЫҚ БӨЛІМНІҢ ЖҰМЫС КЕСТЕСІ

Дүйсенбі, Сейсенбі, Бейсенбі, Жұма (қабылдайтын күндер) -
09:00-12:00 (құжаттарды қабылдау уақыты); 13:00-14:00 (құжаттарды беру уақыты)
Сәрсенбі (қабылдамайтын күн)
Сенбі, Жексенбі (демалыс күндер)
Мекен-жайы: Jumeirah, Umm Suqeim First, Al Boussi street, villa no. 5