Құжаттарды талап ету (ережелерге сілтеме)
Шетелде тұратын Қазақстан Республикасының азаматтары, шетел азаматтары және азаматтығы жоқ адамдар мынадай құжаттарды талап ету туралы өтініш жасай алады:
1) Азаматтық хал актілерін тіркеу туралы құжаттар (туу туралы, қайтыс болу туралы, неке қию және бұзу туралы, әке болуды анықтау туралы, тегін, атын, әкесінің атын өзгерту туралы куәліктер);
2)әлеуметтік құқықтық сипаттағы мәліметтер (еңбек өтілі, жалақысы, зейнетақысы, білімі, ғылыми дәреже беру, ғылыми атақ беру және біліктілігін арттыру, мемлекеттік және ведомстволық наградалар, негізсіз қуғын-сүргін фактілері, азаматтарды депортациялау және олардың мүлкін тәркілеу, әскери қызмет, еңбек армиясына қатысу және т. б.)
3) емделуде болғаны, кәсіптік аурулар және жазатайым оқиғалар туралы мәліметтер.
Талап етуге жатпайды
Әскери билеттердің және қызметтік куәліктердің түпнұсқалары мен көшірмелері талап етуге, әкетуге, жөнелтуге жатпайды, сондай-ақ жеке тұлғалардың талап ету жөніндегі өтінішхаттары қанағаттандырылуға жатпайды:
1) Азаматтық хал актілерін тіркеу туралы қайталама куәліктер, егер олар өтініш берушіге емес, басқа адамдарға ресімделсе.
2) егер неке бұзылған болса, неке қию туралы куәлік (тиісті анықтама беріледі).
3) қайтыс болғандардың туу туралы куәліктері.
Өтініш тек басып шығарылған құжаттар болған жағдайда ғана қабылданатынына назар аударамыз!
Егер Қазақстан Республикасы ратификациялаған халықаралық келісімдерде өзгеше көзделмесе, ҚР Салық заңнамасына сәйкес консулдық алымды төлеу қажет. Консулдық алым мөлшерлемесін ҚР Үкіметі әр ел үшін жеке белгілейді. Консулдық алым талап ету нәтижелеріне қарамастан алынады.
НАЗАР АУДАРЫҢЫЗ!!! Құжаттар тізбесі бойынша сұрақтар туындаған жағдайда
Сұрауларыңызды qazvps24@gmail.com электрондық поштаға жіберуге cұраймыз