Қазақстан Республикасына келуді жоспарлап отырған азаматтарға арналған ЖАДЫНАМА
(2020 жылғы 17 наурыздағы жағдай бойынша)
Коронавирустың (COVID-19) таралуына жол бермеу мақсатында ҚР мемлекеттік органдары қабылдаған келесі санитарлық-эпидемиологиялық шараларды ескерулеріңізді сұраймыз.
Қазақстан Республикасында 2020 жылғы 16 наурыздағы сағат 08.00-ден бастап төтенше жағдайдың енгізілуіне байланысты оның қолданылу кезеңінде Қазақстан Республикасының азаматтары мен шетелдіктердің мемлекеттік шекара арқылы кіруіне-шығуына тыйым салынатын болады. Аталған шектеулерге жолаушылардың келесі түрлері жатпайды. Яғни, төменде көрсетілген тұлғалар елімізде төтенше жағдайдың енгізілуіне қарамастан Қазақстан Республикасының шекарасы арқылы кіруге-шығуға құқылы:
- төтенше жағдайдың енгізілуінен бұрын шет мемлекеттің аумағына шыққан және Қазақстан Республикасына қайтып келген Қазақстан Республикасының азаматтары;
- денсаулық сақтау мекемелерінің растайтын құжаттары бар, шетелге емделуге шығатын Қазақстан Республикасының азаматтары;
- төтенше жағдайдың енгізілуінен бұрын Қазақстан Республикасының аумағына кірген және өз еліне қайтып бара жатқан шетелдіктер;
- еліміздің және шет мемлекеттердің дипломатиялық қызмет персоналы және олардың отбасы мүшелері, сондай-ақ Қазақстан Республикасы Сыртқы істер министрлігінің шақыруымен Қазақстанға келетін шет мемлекеттер мен халықаралық ұйымдар делегацияларының мүшелері;
- Қазақстан Республикасының аумағында тұруға ықтиярхаттары бар шетелдіктер (азаматтығы жоқ тұлғалар);
- Қазақстан Республикасы азаматының отбасы мүшесі болып табылатын шет ел азаматы (туыстық байланысын растайдын құжаттары бар болу керек – жұбайы (зайыбы), олардың ата-аналары мен балалары);
- шет мемлекеттерде тұруға ықтиярхаты бар Қазақстан Республикасының азаматтары;
- поездық және локомотив бригадаларының, әуе және теңіз кемелері экипаждарының мүшелері;
- Қазақстан Республикасының аумағындағы шетелдік трансшекаралық құрылыстарға қызмет көрсететін персонал және шектес мемлекеттердің аумағындағы қазақстандық трансшекаралық құрылыстарға қызмет көрсететін персонал;
- шектеулердің енгізілуінен дейін (2020 жылғы 16 наурыз сағат 08.00-ге дейін) жолға шыққан және транзиттік жолаушылар поезымен жолда келе жатқан шетелдіктер.
|
Елдің санаты |
Мемлекеттер
|
Санаттарға сәйкес елдерден келетін тұлғаларға қатысты іс-шаралар |
|
1 а)
|
Франция Иран Италия Испания Германия
|
Жоғарыда көрсетілген Қазақстан Республикасы азаматтары және шетелдіктер Қазақстан Республикасының аумағына келгеннен кейн жергілікті атқарушы органдар белгілеген ауруханада оқшаулана отырып, 14 күнге карантинге жатады. |
|
1 б) |
ҚХР Оңтүстік Корея 1 а) санатына кіретін елдерден басқа Шенген аймағының елдері
|
Жоғарыда көрсетілген Қазақстан Республикасы азаматтары және шетелдіктер үйде оқшаулау (үй карантині) карантинге жатады. Тұрғылықты жері бойынша күнтізбелік 14 күн бойы міндетті түрде үйде болады (үй, пәтер, жатақхана, қонақ үй және т.б.). Тұрғылықты жері бойынша оқшаулау кезінде (күнтізбелік 14 күн) адам көп жиналатын орындарға баруға тыйым салынады.
|
|
2 |
Ұлыбритания Филиппин Катар Индия БАЭ Әзірбайжан Таиланд АҚШ
|
Тұлғаның Қазақстан Республикасының аумағында жүріп-тұруына құқығы бар (үздіксіз медициналық бақылауды қамтамасыз ету үшін тұлға медициналық ұйымды өзінің орнын ауыстыруы туралы хабардар ету тиіс).
Күн сайын 14 күн бойы медицина қызметкері телефон арқылы тұлғаның денсаулық жағдайына қатысты сауалнама жүргізеді.
|
Қазақстан Республикасына келген соң паспорттық бақылау қызметкерлері Сізден шағын сауалнаманы (үлгісі төменде беріледі) толтыруды сұрауы мүмкін.
_____________________________________
Қосымша сұрақтар туындаған жағдайда келесі нөмірлер арқылы ақпарат алуға болады:
Қатарда: +974 441 280 15
Қазақстанда: 1406
_____________________________________
Сауалнама үлгісі
«Қазақстан Республикасы Денсаулық сақтау министрлігін Тауарлар мен көрсетілетін қызметтердің сапасы мен қауіпсіздігін бақылау комитетінің Көліктегі тауарлар мен көрсетілетін кызметтердің сапасы мен кауіпсіздігін бақылау департаменті» РММ
САУАЛНАМА
- Тегі, аты , әкесінің аты (толық), туылған күні _________________________________________
- Азаматтығы, ЖСН немесе төлқұжат мәліметтері ____________________________________
- Қазақстандағы жұмыс (оқу) орны ___________________________________________________
- Мекен-жайы немесе уақытша тұратын жері ________________________________________
- Байланыс телефондары _____________________________________________________________
- Қозғалу бағыты ______________________________________________________________________