Қазақстан мен Қатар арасындағы инвестициялық ынтымақтастықты дамыту жолдары Қатардың «Qatar Investment Authority» компаниясының басшылығымен талқыланды

2020 ж. 13 қазанда Қазақстанның Қатардағы Елшісі Арман Исағалиев Қатар Инвестициялық қорының «Qatar Investment Authority» Төрағасы Мансұр бен Ибрагим Әл-Махмұдпен кездесіп, екі ел арасындағы инвестициялық бағыттағы ынтымақтастықты кеңейтудің жолдарын талқылады.

Қатарлық тараптың назарына Қазақстанның инвестициялық тартымдылығы мен ұтқырлығы туралы ақпарат жеткізіліп, бірнеше нақты жобалар талқыланды.

Сондай-ақ, қор басшысына әлеуетті жобаларды тиімді іздеу, іріктеу және іске асыру үшін Астана Халықаралық Қаржы Орталығында «Qatar Investment Authority» өкілдігін  ашу ұсынылды.

          Анықтама: «Qatar Investment Authority» - толығымен мемлекетке тиесілі 2005 жылы құрылған инвестициялық қор. Егеменді қорлар арасында әлемде 14-ші орынға ие. Оның міндеті  мемлекеттік капиталды ел ішінде және шетелде орналастыру және басқару болып табылады.