Қазақстан-Үндістан: сауда-экономикалық және инвестициялық салалардағы қатынастарды нығайту

2024 жылғы 10 қаңтар, Гандинагар қаласы, Үндістан – ҚР Сауда және интеграция вице-министрі Қ.Төребаев бастаған қазақстандық делегация Гандинагар қаласындағы (Гуджарат штаты) «Махатма Мандир» көрме және конференц-орталығында өткен «Vibrant Gujarat 2024» 10-шы жаһандық саммитіне қатысты. Қазақстандық делегация құрамына Қазақстанның Үндістандағы Елшісі Н.Жалғасбаев және «Qaztrade» АҚ, «KazakhExport» АҚ және «Kazakh Invest» ҰК» АҚ сияқты экономикалық блоктың қазақстандық ұлттық компанияларының өкілдері кірді.

«Vibrant Gujarat» жаһандық саммиті іскерлік қарым-қатынас, білім алмасу, стратегиялық әріптестік және орнықты даму үшін беделді жаһандық форум болып табылады, 2024 ж. Саммит 140 елден 100 мыңнан астам қатысушыны жинады.

Делегация саммит жұмысына белсенді қатысты. Осылайша, ҮР Сауда және өнеркәсіп министрінің бірінші орынбасары С.Бартхалмен, ҮР Мұнай және табиғи газ министрінің бірінші орынбасары П.Джайнмен, сондай-ақ ҮР Сыртқы істер министрінің Экономикалық мәселелер жөніндегі орынбасары Д.Равимен кездесулер өтті.

Саммит аясында Елшілік ҚР Сауда және интеграция министрлігінің, «Qaztrade» АҚ және үндістандық «FІССІ» СӨП көмегімен «Kazakhstan-India: Emerging Ties» тақырыбында елдік семинар ұйымдастырып, оның барысында Қазақстан мен Үндістанның өзара саудасы, экспорттық әлеуеті, Қазақстан экспортын қолдаудың қаржылық және қаржылық емес шаралары және елдің инвестициялық мүмкіндіктері туралы толық ақпарат ұсынылды.

Спикерлер ретінде Қ.Төребаевпен қатар «Qaztrade» АҚ, «KazakhExport» АҚ және «Kazakh Invest» ҰК» АҚ өкілдері. Үнді тарапынан спикер болып Гуджарат штатының Туризм, мәдениет, орман, қоршаған орта және климаттың өзгеруі министрі М. Х.Бера қатысты.