Чабахар порты бойынша «Орталық Азия және Үндістан» диалогы бірлескен жұмыс тобының бірінші отырысы туралы

2022 ж. 14 сәуір – Ү.ж. 12-13 сәуірде Мумбай қаласында Үндістан Сыртқы істер министрлігі Чабахар порты (Иран) бойынша «Орталық Азия және Үндістан» диалогы бірлескен жұмыс тобының (БЖТ) бірінші отырысын өткізді. Екі күндік кездесу – өткен жылдың қаңтар айында өткен «Орталық Азия және Үндістан» диалогының бірінші саммитінің Дели декларациясының негізгі нәтижелерінің бірі болып табылады.

Іс-шараға Үндістан, Қазақстан, Қырғыз Республикасы, Тәжікстан, Түрікменстан және Өзбекстан, сондай-ақ Ауғанстан, Иран және Біріккен Ұлттар Ұйымының Дүниежүзілік азық-түлік бағдарламасы (UNWFP) өкілдері шақырылған қонақтар ретінде қатысты.

БЖТ барысында қатысушылар Шахид Бехешти (Иран) терминалының дамуымен және Орталық Азия елдерінің Чабахар портын пайдалану мүмкіндіктерімен танысты.